ලොව ධනවත්ම ක්රිකට් තරඟාවලිය වන ඉන්දීය ප්රිමියර් ලීග් (IPL) තරඟාවලිය හෙට (2026 මාර්තු 28) ආරම්භ වීමට නියමිතව තිබියදී, රාජස්ථාන් රෝයල්ස් (Rajasthan Royals) කණ්ඩායම නියෝජනය කරන වෛභව් සූර්යවංශි පිළිබඳව ක්රීඩා ලෝලීන්ගේ දැඩි අවධානයක් යොමුව තිබේ. අද (2026 මාර්තු 27) දිනට ඔහු සිය 15 වැනි උපන්දිනය සමරන අතර, මෙවර IPL තරඟාවලියට පිවිසෙන ලාබාලතම ක්රීඩකයා වන්නේ ද ඔහුයි.
වෛභව්ගේ පිතිකරණ විලාසය ප්රකට ක්රිකට් ක්රීඩක ග්රැහැම් සෝබර්ස්ගේ (Garry Sobers) විලාසයට සමාන බව විචාරකයන් පවසන අතර, ඔහු වයස අවුරුදු 12 දී තමන්ට වඩා බෙහෙවින් වැඩිමහල් පන්දු යවන්නන්ට එරෙහිව දැක්වූ දක්ෂතා නිසා මුලින්ම කැපී පෙනුණි. බිහාර් ප්රාන්තයෙන් බිහිවූ මෙම දක්ෂ ක්රීඩකයා, වයස අවුරුදු 13 දී අමෙරිකානු ඩොලර් 130,500ක් වැනි ඉහළ මිලකට (ඉන්දීය රුපියල් කෝටි 1.1ක් පමණ) රාජස්ථාන් රෝයල්ස් කණ්ඩායම විසින් මිලදී ගනු ලැබීය.
ජාත්යන්තර ක්රිකට් කවුන්සිලයේ (ICC) අවම වයස් සීමාවන් (අවුරුදු 15) හේතුවෙන් මෙතෙක් ජාත්යන්තර තලයට පිවිසීමට නොහැකි වුවද, සචින් තෙන්ඩුල්කාර් වයස අවුරුදු 16 දී තැබූ වාර්තාව බිඳ හෙලීමට වෛභව්ට දැන් අවස්ථාව උදා වී තිබේ. ඉන්දීය තේරීම් කමිටු නිලධාරී තිලක් නායිදුගේ (Thilak Naidu) විශේෂ නිරීක්ෂණයකට ලක්වූ ඔහු, ඉතා කෙටි කලකින් ඉන්දීය ජාතික කණ්ඩායම නියෝජනය කරනු ඇතැයි බොහෝ දෙනා අනාවැකි පළ කරති.
