වසර 16ක් පුරා හංගේරියාව පාලනය කරන වික්ටර් ඕර්බන්ගේ ‘ෆිඩෙස්’ (Fidesz) රජය, එළඹෙන අප්රේල් 12 වැනිදා පැවැත්වීමට නියමිත පාර්ලිමේන්තු මැතිවරණය ඉලක්ක කරගනිමින් මහා පරිමාණ ලෙස ඡන්ද දායකයන් බිය ගැන්වීමේ සහ අල්ලස් ලබා දීමේ නිරත වන බවට ඊයේ (2026 මාර්තු 26) බරපතල චෝදනාවක් එල්ල විය. “The Price of the Vote” නැමති වාර්තාමය චිත්රපටයක් මගින් මෙම දූෂණ ක්රියාවලිය පිළිබඳ තොරතුරු අනාවරණය කර තිබේ.
ස්වාධීන මාධ්යවේදීන් පිරිසක් මාස හයක් පුරා සිදුකළ විමර්ශනයකට අනුව හෙළි වී ඇත්තේ, ග්රාමීය ප්රදේශවල ඡන්ද දායකයන්ට මුදල් සහ මත්ද්රව්ය ලබා දී රජයට පක්ෂව ඡන්දය ලබා ගැනීමට උත්සාහ කරන බවයි. මෙහිදී ගම්මානවල නගරාධිපතිවරුන් හරහා රැකියා, දර ලබා දීම සහ ප්රවාහන පහසුකම් වැනි එදිනෙදා අවශ්යතා පාලනය කරමින් ජනතාවට බලපෑම් කරන බවට හිටපු මැතිවරණ නිලධාරීන් සහ පොලිස් නිලධාරීන් සාක්ෂි ලබා දී ඇත. හංගේරියාවේ සමස්ත ඡන්ද දායකයන්ගෙන් 10%ක් හෙවත් ලක්ෂ 6ක් පමණ මෙලෙස බලපෑමට ලක්ව ඇති බව වාර්තාව පවසයි.
නවතම මත විමසුම්වලට අනුව පීටර් මැග්යාර්ගේ (Peter Magyar) ‘ටිසා’ (Tisza) පක්ෂය, ඕර්බන්ගේ පක්ෂයට වඩා ඉදිරියෙන් සිටින අතර, මෙම තත්ත්වය හමුවේ ඕර්බන් රජය දැඩි පීඩනයකට ලක්ව සිටී. කෙසේ වෙතත් හංගේරියානු රජයේ අමාත්යවරයෙකු වන ටිබෝර් නව්රාසික්ස් (Tibor Navracsics) ප්රකාශ කර ඇත්තේ කිසියම් වරදක් සිදුව ඇත්නම් අභ්යන්තර කටයුතු අමාත්යාංශය ඒ පිළිබඳව ක්රියා කරනු ඇති බවයි.
