හෝමුස් සමුද්ර සන්ධිය (Strait of Hormuz) සම්බන්ධයෙන් මීට පෙර දැඩි තර්ජනාත්මක ස්වරූපයකින් අදහස් දැක්වූ ඇමෙරිකානු ජනාධිපති ඩොනල්ඩ් ට්රම්ප්, මේ වන විට එහි පවතින ඉරාන පාලනය සහ බලපෑම පිළිගනිමින් වඩාත් මධ්යස්ථ පිළිවෙතකට අවතීර්ණ වී ඇති බව වාර්තා වේ.
යුද්ධයේ මුල් සතිවලදී හෝමුස් සමුද්ර සන්ධිය “තමන් විසින්ම විවෘත වනු ඇති” බවත්, නාවික ගමනාගමනයට බාධා කළහොත් දැඩි හමුදාමය ක්රියාමාර්ග ගන්නා බවත් ට්රම්ප් පවසා තිබුණි. එහෙත්, Yahoo Finance වාර්තා කරන පරිදි, ඉරානය විසින් දැනටමත් නාවික ගමනාගමනය පාලනය කරමින් “සංක්රමණ ගාස්තු” (Transit fees) අය කිරීමට පවා උත්සාහ කරමින් සිටින බව ඔහු දැන් පිළිගෙන තිබේ. “ඔවුන්ට එසේ කිරීමට ඉඩ නොදිය යුතුයි, නමුත් ඔවුන් එය යම් ප්රමාණයකට සිදු කරනවා,” යනුවෙන් ට්රම්ප් ප්රකාශ කර ඇත.
පවතින දැඩි ඇමෙරිකානු පීඩනය හමුවේ වුවද, හෝමුස් සමුද්ර සන්ධියේ ගමනාගමනය සැලකිය යුතු ලෙස සීමා කිරීමට ඉරානය සමත්ව තිබේ. යුද්ධයට පෙර දිනකට නැව් 100කට අධික සංඛ්යාවක් ගමන් කළ මෙම මාර්ගයේ දැන් ගමන් කරන්නේ ඉතා සීමිත නෞකා ප්රමාණයක් පමණි. සාකච්ඡා අතරතුර ඉරානය විසින් තෙල් නැව් කිහිපයකට පමණක් ගමන් කිරීමට අවසර ලබා දීම ද විශේෂත්වයකි.
