ඉරාන ඉස්ලාමීය විප්ලවවාදී ආරක්ෂක බලකායේ (IRGC) නාවික හමුදා ප්රධානී අලිරේසා තංසිරිගේ (Alireza Tangsiri) මරණය තහවුරු කරමින්, ඇමෙරිකානු මධ්යම විධානයේ (CENTCOM) අණදෙන නිලධාරී අද්මිරාල් බ්රැඩ් කූපර් (Brad Cooper) ඉරාන නාවික හමුදා සාමාජිකයන්ට වහාම සිය සේවා ස්ථානවලින් ඉවත් වන ලෙස අද (2026 මාර්තු 27) නියෝග කළේය.
බණ්ඩාර් අබ්බාස් (Bandar Abbas) නාවික මධ්යස්ථානය ඉලක්ක කර ඊශ්රායලය එල්ල කළ ප්රහාරයකින් තංසිරි ඇතුළු ජ්යෙෂ්ඨ නිලධාරීන් පිරිසක් මියගිය බව තහවුරු කරමින් අද්මිරාල් කූපර් X (ට්විටර්) පණිවිඩයක් නිකුත් කර තිබේ. “ඉරාන නාවික හමුදාවට එල්ල කරන ප්රහාර අඛණ්ඩව සිදු කරන බැවින්, අනවශ්ය තුවාල හෝ මරණ වළක්වා ගැනීම සඳහා වහාම සිය තනතුරු අතහැර නිවෙස් බලා යන ලෙස මම සෑම ඉරාන නාවිකයෙකුගෙන්ම ඉල්ලා සිටිමි,” යනුවෙන් ඔහු එහි සඳහන් කර ඇත.
හෝමුස් සමුද්ර සන්ධිය අවහිර කිරීමට නායකත්වය දුන් ප්රධානියා ලෙස සැලකෙන තංසිරිගේ මරණයත් සමඟ කලාපයේ යුදමය තත්ත්වය තවදුරටත් උග්ර වී තිබේ. ඉරාන නාවික හමුදාව මේ වන විට දැඩි පසුබෑමකට ලක්ව ඇති බවත්, ඔවුන්ගේ ක්රියාකාරිත්වය ආපසු හැරවිය නොහැකි පරිදින විනාශ වී ඇති බවත් ඇමෙරිකානු ආරක්ෂක අංශ පවසයි.
