මැදපෙරදිග පවතින ඉරාන ගැටුම් හමුවේ යුරෝපයේ බලශක්ති සුරක්ෂිතතාව දැඩි අවදානමකට ලක්ව ඇති අතර ගෑස් මිල ගණන් ඉතා කෙටි කාලයක් තුළ 70%කින් පමණ ඉහළ ගොස් ඇති බව වාර්තා වේ. යුරෝපීය ගෑස් මිල දර්ශකයක් වන Dutch TTF හි අගය මෙගාවොට් පැයකට යුරෝ 38 සිට 54 දක්වා ඉහළ ගොස් තිබේ.
Kyos European Gas Analytics දත්තවලට අනුව මාර්තු 24 වන විට යුරෝපයේ භූගත ගෑස් ගබඩා පවතිනුයේ 28.4%ක මට්ටමක පමණි. මෙය පසුගිය වසරේ එම කාලයට වඩා 5%ක අඩුවීමකි. වඩාත්ම අවදානම් සහගත තත්ත්වයක පවතින රටවල් ලෙස නෙදර්ලන්තය 6.0%ක අතිශය බරපතළ මට්ටමක පසුවන අතර ප්රංශය 22.1%ක සහ ජර්මනිය 22.3%ක මට්ටම්වල පවතී.
යුරෝපයේ අනෙක් රටවල් අර්බුදයකට මුහුණ දී සිටියදී ස්පාඤ්ඤය 55.5%ක් සහ පෘතුගාලය 85.3%ක් ලෙස සිය ගෑස් ගබඩා ඉහළ මට්ටමක පවත්වා ගැනීමට සමත්ව තිබේ. දියුණු ද්රව ස්වභාවික වායු (LNG) ආනයන පද්ධති සහ පුනර්ජනනීය බලශක්ති භාවිතය ඉහළ නැංවීම මගින් ඔවුන් මෙම ආරක්ෂාව සලසා ගෙන ඇත. මෙම මිල ඉහළ යාම හේතුවෙන් යුරෝපයේ උද්ධමනය ඉහළ යාමටත් ඒ හරහා ආර්ථිකය තවදුරටත් දැඩි වීමටත් ඉඩ ඇති බව ආර්ථික විද්යාඥයෝ අනතුරු අඟවති.
