බණ්ඩාරගම පොලිස් වසමේ සිදුවූ නිවාස බිඳ දේපල සොරකම් කිරීම් රැසකට සම්බන්ධ ප්රධාන සැකකරුවෙකු සහ සොරකම් කරන ලද දේපල සන්තකයේ තබාගත් තවත් පුද්ගලයෙකු අත්අඩංගුවට ගැනීමට බණ්ඩාරගම පොලිසිය සමත් වී තිබේ.
පසුගිය අප්රේල් 21 වන දින බද්දේගොඩ ප්රදේශයේදී සැකපිට අත්අඩංගුවට ගත් 33 හැවිරිදි පුද්ගලයෙකුගෙන් සිදුකළ දීර්ඝ ප්රශ්න කිරීම්වලදී ඔහු නිවාස බිඳීම් 05කට සහ දේපල සොරකම් 02කට සම්බන්ධ බව හෙළි විය. මොහු බද්දේගොඩ ප්රදේශයේම පදිංචිකරුවෙකු වන අතර රැඳවුම් නියෝග මත ලබාගත් තොරතුරු අනුව සොරකම් කරන ලද භාණ්ඩ රැසක් සොයා ගැනීමට පොලිසිය සමත් විය. රන් ආභරණ, රන් කාසි, යතුරුපැදියක්, පෞරාණික වටිනාකමක් සහිත විදේශීය කාසි සහ අත් ඔරලෝසුවක් ඇතුළු දේපල රැසක් පොලිස් භාරයට ගෙන ඇත.
සොරකම් කරන ලද මෙම දේපල සන්තකයේ තබාගෙන සිටි 50 හැවිරිදි අටළුගම පදිංචිකරුවෙකු ඊයේ (26) දින මාරාව ප්රදේශයේදී අත්අඩංගුවට ගෙන තිබේ. සොරකම් කරන ලද භාණ්ඩ ළඟ තබා ගැනීම සහ ඒවා අලෙවි කිරීමට සහය වීම සම්බන්ධයෙන් ඔහුට එරෙහිව නීතිමය පියවර ගැනීමට නියමිතය. බණ්ඩාරගම පොලිස් ස්ථානයේ නිලධාරීන් කණ්ඩායමක් විසින් සිද්ධිය සම්බන්ධයෙන් වැඩිදුර විමර්ශන සිදු කරනු ලබයි.
