බෝඩෝ (Bodo/Glimt) කණ්ඩායම දෙවන වරටත් යුරෝපා චැම්පියන්ස් ලීගය සඳහා සුදුසුකම් ලබා ඇති අතර, ඔවුහු ඔස්ටි්රියාවේ LASK සහ අසර්බයිජානයේ නවක සබා (Sabah) කණ්ඩායම සමඟ එක් වෙති. චැම්පියන්ස් ලීග සුදුසුකම් ලැබීමේ වටයේ දෙවන අදියර යටතේ අඟහරුවාදා පැවති තරගයකදී NEC නයිමේගන් කණ්ඩායම පරාජය කරමින් බෝඩෝ/ග්ලිම්ට් පහසුවෙන් ඉදිරියට පැමිණියේය. මීට වසර අටකට පෙර පිහිටුවන ලද සබා කණ්ඩායම, ඊශ්රායල ප්රිමියර් ලීග් ශූර හපොඑල් බියර්-ෂෙවා කණ්ඩායම අමතර කාලයේදී පරාජය කිරීමට සමත් විය.
පළමු අගයේදී ග්ලාස්ගෝ හිදී ගෝල තුනක ජයක් ලබා තිබූ ස්කොට්ලන්ත ශූර සෙල්ටික් කණ්ඩායමට එරෙහිව LASK කණ්ඩායම විශිෂ්ට ලෙස පුනරාවර්ථනයක් සිදු කළේය. සාමාන්ය කාලය අවසන් වන විට ගෝල 4-4ක් ලෙස සම තත්ත්වයේ පසුවූ අතර, අමතර කාලයේදී 109 වැනි මිනිත්තුවේදී සැමුවෙල් අඩෙනිරාන් වාර්තා කළ ගෝලයත් සමඟ සමස්ත ලකුණු 5-4ක් ලෙස ජය ගත් LASK කණ්ඩායම චැම්පියන්ස් ලීගයට පිවිසි අතර, සෙල්ටික් කණ්ඩායමට යුරෝපා ලීගය වෙත බැසීමට සිදු විය. පසුගිය ජනවාරි සහ පෙබරවාරි මාසවල මැන්චෙස්ටර් සිටි, ඇට්ලටිකෝ මැඩ්රිඩ් සහ ඉන්ටර් මිලාන් වැනි ප්රබල කණ්ඩායම් පරාජය කළ නෝර්වේහි බෝඩෝ/ග්ලිම්ට් කණ්ඩායම, මෙවරත් නෙදර්ලන්තයේ NEC කණ්ඩායම සමස්ත ලකුණු 6-1ක් ලෙස පරාජය කරමින් තම ආක්රමණය තහවුරු කළේය. බදාදා දින තවත් අවසන් පූර්ව වටයේ තරග 4ක් පැවැත්වෙන අතර, ඒ හරහා කණ්ඩායම් 36කින් සමන්විත ප්රධාන අදියර සඳහා සුදුසුකම් ලබන අවසන් කණ්ඩායම් තීරණය වනු ඇත. චැම්පියන්ස් ලීග ප්රධාන අදියරේ දිනුම් ඇදීම බ්රහස්පතින්දා මොනාකෝ හිදී පැවැත්වීමට නියමිතය.
