සමුපකාර ව්යාපාරයේ කාර්ය සාධනය ඇගයීමේ අරමුණින් සංවිධානය කෙරෙන “සමුපකාර ඵලදායිතා තරඟාවලිය – 2026” එළඹෙන දෙසැම්බර් මාසයේදී පැවැත්වීමට නියමිත බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ මහතා පවසයි.
2025 ජනවාරි 01 සිට දෙසැම්බර් 31 දක්වා කාලය තුළ සමුපකාර ආයතන සිදු කළ කාර්යභාරය මෙහිදී ඇගයීමට ලක් කෙරෙන අතර, අදාළ තරඟාවලිය සඳහා අයදුම්පත් 2026 අගෝස්තු 01 සිට සැප්තැම්බර් 15 දක්වා සමුපකාර සංවර්ධන දෙපාර්තමේන්තුව වෙත ඉදිරිපත් කළ යුතුය. මෙම තරඟාවලිය විවිධ සේවා සමුපකාර සමිති, ආයතනික සමුපකාර සමිති, ප්රාථමික මට්ටමේ සේවා සමුපකාර සමිති සහ නිෂ්පාදන සේවා සමුපකාර සමිති යන අංශ හතර යටතේ ක්රියාත්මකය. ජාතික මට්ටමින් පළමු ස්ථානයට රුපියල් මිලියනයක්, දෙවන ස්ථානයට රුපියල් ලක්ෂ පහක් සහ තෙවන ස්ථානයට රුපියල් ලක්ෂ තුනක මුදලක් පිරිනැමෙන අතර, ලකුණු මට්ටම් මත රන්, රිදී, ලෝකඩ සම්මාන සහ කුසලතා සහතික ද ලබා දීමට නියමිතය.
