ජනාධිපතිවරයා විසින් ආර්ථික පරිවර්තන පනත් කෙටුම්පත පසුගිය සඳුදා (13) කැබිනට් මණ්ඩලයට ඉදිරිපත් කොට සම්මත කරගත්තේ 10 වැනි සිකුරාදා මහින්ද රාජපක්ෂ හිටපු ජනාධිපතිවරයා විසින් කරනු ලැබූ ප්රසිද්ධ ඉල්ලීම අවමානයට ලක් කරමින් බව පාර්ලිමේන්තු මන්ත්රී ඩලස් අලහප්පෙරුම මහතා පවසයි.
මන්ත්රීවරයා මේ බව පැවසුවේ අද (16) නාවල “නිදහස” ප්රධාන කාර්යාලයේ පැවැති මාධ්ය හමුවක් අමතමිනි.
පොදු ජන පෙරමුණු පාක්ෂිකයන් විසින් තම පරමාදර්ශී නායකයා ලෙස හඳුන්වන මහින්ද රාජපක්ෂ මහතා වත්මන් පාලනය විසින් කොතරම් අසරණ තත්ත්වයකට ඇද දමා තිබේදැයි මෙමගින් මනාව පැහැදිලි වන බවද මන්ත්රීවරයා පෙන්වා දුන්නේය.
“මහින්ද චින්තන” සහ “සෞභාග්යයේ දැක්ම” පලිහක් කොටගෙන Regaining Sri Lanka නමින් හැඳින්වූ ජනතාව ප්රතික්ෂේප කළ ප්රතිපත්ති මාලාව ක්රියාත්මක කිරීම අප්රසන්න සහගත විහිළුවකැයි පෙන්වා දුන් මන්ත්රීවරයා මෙලෙස ජාතික සම්පත් උණු කොල්ලයට විජාතික කරණය කිරීම සඳහා ජනාධිපතිවරයාට හෝ කැබිනට් මණ්ඩලයට කිසිදු අයිතියක් හෝ ජනවරමක් නැතැයි අවධාරණය කළේය.
