ශිෂ්යත්ව විභාගය සහ අ.පො.ස. උසස් පෙළ විභාග පැවැත්වෙන කාලසීමාව තුළ ඇති විය හැකි හදිසි ආපදා තත්ත්වයන් පිළිබඳව දැනුම්දීම සඳහා නව දුරකථන අංක 5ක් හඳුන්වා දීමට ආපදා කළමනාකරණ මධ්යස්ථානය පියවර ගෙන තිබේ.
ආපදා කළමනාකරණ මධ්යස්ථානයේ අධ්යක්ෂ ජනරාල් ප්රදීප් කොඩිප්පිලි මහතා සඳහන් කර ඇත්තේ, ත්රිවිධ හමුදාව සහ පොලීසිය සමඟ එක්ව මෙම විශේෂ වැඩපිළිවෙළ ක්රියාත්මක කරන බවයි. විභාග ආරම්භයට පෙර සිට විභාගය අවසන් වී දිනක් ගත වන තුරු මෙම සැලසුම ක්රියාත්මක වේ.
පවතින අයහපත් කාලගුණය හෝ වෙනත් හදිසි ආපදා තත්ත්වයක් හේතුවෙන් සිසුන් විභාග මධ්යස්ථාන වෙත රැගෙන යාම, ප්රශ්න පත්ර ප්රවාහනය කිරීම සහ විභාග රාජකාරි සඳහා සහභාගී වන නිලධාරීන්ගේ කටයුතු පහසු කිරීම සඳහා මෙමඟින් පුළුල් පහසුකම් සැලසේ. විභාග දිනයට පෙර දින මෙම නව දුරකථන අංක 5 ප්රකාශයට පත් කිරීමට නියමිත අතර, ඕනෑම හදිසි අවස්ථාවක් සඳහා සාමාන්ය 117 හදිසි ඇමතුම් අංකය ද අඛණ්ඩව ක්රියාත්මක වේ.
මීට අමතරව, කාලගුණික හා තාක්ෂණික තොරතුරු වාර්තා පැය 3කට හෝ 6කට වරක් ලබාදීමටත්, විභාග කාලසීමාව පුරා ත්රිවිධ හමුදාව සහ පොලීසිය එක්ව අඛණ්ඩ මෙහෙයුම් පවත්වාගෙන යාමටත් නියමිතය.
