එල්නිනෝ කාලගුණික තත්ත්වයත් සමඟ ඇතිවූ අයහපත් කාලගුණික තත්ත්වය හේතුවෙන් දිවයින පුරා 16,000කට අධික පිරිසක් විවිධ බලපෑම්වලට ලක්ව ඇතැයි ආපදා කළමනාකරණ මධ්යස්ථානය පවසයි. පවුල් 4,151කට අයත් පුද්ගලයන් 16,345ක් මෙලෙස පීඩාවට පත්ව ඇති බව එම මධ්යස්ථානය නිකුත් කළ නිවේදනයේ දැක්වේ.
දිස්ත්රික්ක 11කට අයත් ප්රාදේශීය ලේකම් කොට්ඨාස හරහා මෙම ආපදා තත්ත්වය වාර්තා වී ඇති අතර, මින් වැඩිම පිරිසක් බලපෑමට ලක්ව ඇත්තේ නුවරඑළිය දිස්ත්රික්කයෙනි. එහි පවුල් 1,912කට අයත් 7,288ක් පීඩාවට පත්ව ඇති අතර, එරෙහිව මරණ 6ක් ද වාර්තා වී තිබේ. මීට අමතරව පුත්තලම සහ මහනුවර දිස්ත්රික්කවලින් එක් මරණය බැගින් වාර්තා වී ඇති අතර, ඒ අනුව සමස්ත මරණ සංඛ්යාව 8 දෙනෙකු දක්වා ඉහළ ගොස් ඇත.
මෙම ආපදා තත්ත්වය හේතුවෙන් පූර්ණ නිවාස හානි මෙන්ම අර්ධ නිවාස හානි 581ක් ද වාර්තා වී ඇති බව ආපදා කළමනාකරණ මධ්යස්ථානය වැඩිදුරටත් සඳහන් කරයි.
