ශ්රී ලංකාව සහ රුසියාව අතර පවතින ද්විපාර්ශ්වික සහ ආර්ථික සබඳතා තවදුරටත් වර්ධනය කරගැනීම පිළිබඳව විශේෂ සාකච්ඡාවක් මුදල් නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා සහ ශ්රී ලංකාවේ රුසියානු තානාපති ලිවන් එස්. ඩ්රගර්යන්ස් මහතා අතර පැවැත්විණි. ඊයේ (15) මුදල් අමාත්යාංශයේදී පැවැති මෙම හමුවේදී රුසියානු තානාපතිවරයා අවධාරණය කළේ දෙරට අතර පවතින දිගුකාලීන මිත්රත්වය තහවුරු කරමින් ඉදිරියේදී අවශ්ය සියලු ආර්ථික සහයෝගීතාවයන් ලබාදීමට රුසියාව සූදානම් බවයි.
දෙරටේ පොදු අභිලාෂයන් සහ අනාගත ආයෝජන අවස්ථාවන් පිළිබඳව මෙහිදී දීර්ඝ වශයෙන් අදහස් හුවමාරු වූ අතර, මෙම හමුව ශ්රී ලංකාවේ වත්මන් ආර්ථික ගමන්මග ශක්තිමත් කිරීමට මනා පිටිවහලක් වනු ඇති බව ද තානාපතිවරයා වැඩිදුරටත් සඳහන් කළේය.
