කටාන පොලිස් ස්ථානයේ ස්ථානාධිපතිවරයාව සිටියදී පොලිස් සැරයන්වරයෙකුට සහ පොලිස් කොස්තාපල්වරයෙකුට පහර දීමේ සිද්ධියකට වරදකරු වූ හිටපු ප්රධාන පොලිස් පරීක්ෂක ජගත් තේමිය සේනාරත්න මහතාට මීගමුව පුර්වගාමී මහෙස්ත්රාත් රඛිත අබේසිංහ මහතා අද (14) මාස 09ක සිර දඬුවමක් වසර පහක කාලයකට අත්හිටුවමින් නියෝග කළේය.
මීට අමතරව, අගතියට පත් පොලිස් කොස්තාපල්වරයාට රුපියල් ලක්ෂ 05ක සහ පොලිස් සැරයන්වරයාට රුපියල් ලක්ෂ හතහමාරක වන්දියක් ගෙවීමට ද අධිකරණය නියම කළ අතර, එම වන්දි මුදල නොගෙවන්නේ නම් අමතර වසරක සිර දඬුවමක් විඳීමට සිදුවන බවද දැනුම් දෙන ලදී. මෙම නඩුවේ චෝදනා තුනකටම විත්තිකරු වරදකරු කරමින් අධිකරණය ඉකුත් ජුනි 16 වැනිදා තීන්දුව ප්රකාශයට පත් කළේය.
