ලෝකය විවිධ කණ්ඩායම් වලට බෙදී යමින්, වෙළඳ තරඟකාරිත්වය සහ ගැටුම් ගෝලීය ආයෝජකයින්ට දෛනික ගැටලුවක් වී ඇති පසුබිමක වුවද, තාක්ෂණික අංශය ප්රමුඛ කොටස් වෙළඳපොළවල් වේගවත් ප්රකෘතිමත් වීමක් පෙන්නුම් කරන බව රොයිටර් පුවත් සේවයේ මයික් ඩෝලන් (Mike Dolan) පෙන්වා දෙයි. විශේෂයෙන්ම ඉරාන යුද්ධය ආරම්භ වී සති හයක් වැනි කෙටි කාලයක් තුළ, තෙල් මිල ඉහළ ගියද, වෝල් ස්ට්රීට් (Wall Street) ඇතුළු ගෝලීය කොටස් දර්ශක යුද්ධයට පෙර පැවති මට්ටමටම නැවත පැමිණ තිබීම විශේෂත්වයකි.
මෙම ප්රකෘතිමත් වීම පසුගිය වසරේ අප්රේල් මාසයේදී ජනාධිපති ඩොනල්ඩ් ට්රම්ප් විසින් පැනවූ වෙළඳ බදු (tariffs) හමුවේ ඇති වූ පසුබෑමට වඩා සති දෙකක් වේගවත්ය. එමෙන්ම යුක්රේන යුද්ධය නිසා ඇති වූ උද්ධමනයෙන් මිදීමට ගත වූ වසර දෙකක කාලයට හෝ කොවිඩ් වසංගතයෙන් පසු ප්රකෘතිමත් වීමට ගත වූ මාස හයක කාලයට වඩා මෙය ඉතා වේගවත් අගයකි. යුද්ධය සහ භූ-දේශපාලනික අස්ථාවරත්වය පවතින “නව සාමාන්යය” (new normal) තුළ වුවද, තාක්ෂණික නවෝත්පාදන සහ ආයෝජන කෙරෙහි පවතින විශ්වාසය මෙම වේගවත් නැගී සිටීමට හේතු වී ඇති බව විශ්ලේෂකයෝ පවසති.
