මැදපෙරදිග කලාපය පුරා ගැටුම් දරුණු ලෙස උත්සන්න කරමින්, ජෝර්දානයේ පිහිටි ඇමෙරිකානු ගුවන් කඳවුරක් ඉලක්ක කර බැලස්ටික් මිසයිල ප්රහාර එල්ල කළ බව ඉරාන විප්ලවීය ආරක්ෂක බලකාය (IRGC) අද (14) ප්රකාශ කළේය. මෙයට සමගාමීව යේමනයේ හූති සටන්කාමීන් ද සෞදි අරාබිය දෙසට මිසයිල ප්රහාර එල්ල කර තිබේ.
මෙම ප්රහාරයෙන් පසු ඉරාන විප්ලවීය ආරක්ෂක බලකාය ජෝර්දාන වැසියන්ගෙන් ඉල්ලා සිටියේ එරට තුළ ඇති ඇමෙරිකානු කඳවුරු ඉවත් කිරීමට පියවර ගන්නා ලෙසයි. ජෝර්දානය සමඟ තමන්ට කිසිදු සතුරුකමක් නොමැති බවත්, පලස්තීන ජනතාව වෙනුවෙන් පෙනී සිටින ජෝර්දාන වැසියන්ට තමන් ගරු කරන බවත් ඔවුහු පැවසූහ. කෙසේ වෙතත්, ඉරාන භූමියෙන් සිය ගුවන් සීමාවට ඇතුළු වූ මිසයිල හතරක් සාර්ථකව වටලා විනාශ කිරීමට තමන්ට හැකි වූ බව ජෝර්දාන සන්නද්ධ බලකායන් තහවුරු කර තිබේ.
