දකුණු ලෙබනනයේ ස්ථානගත කර සිටින ඊශ්රායල හමුදා එතැනින් ඉවත් කරගන්නා බවට ඇමෙරිකානු ජනාධිපති ඩොනල්ඩ් ට්රම්ප් සිදුකළ ප්රකාශය ඊශ්රායල ආරක්ෂක අමාත්යවරයා විසින් සෘජුවම ප්රතික්ෂේප කර තිබේ. i24NEWS නාලිකාවේ මාධ්යවේදිනී ජුලී වාර්තා කරන අන්දමට, ලෙබනනයට ඇතුළු වීමට තමන් කිසිවෙකුගෙන් අවසර නොගත් බවත්, එහි රැඳී සිටීමටද කාගෙන්වත් අවසරයක් අවශ්ය නොවන බවත් ඊශ්රායල ආරක්ෂක අමාත්යවරයා අවධාරණය කර ඇත. ඊශ්රායල අග්රාමාත්ය බෙන්ජමින් නෙදන්යාහු සහ ආරක්ෂක ඇමති කැට්ස් (Katz) පෙන්වා දෙන්නේ සමස්ත ලෙබනනය පුරාම ව්යාප්තව සිටින හෙස්බොල්ලා සංවිධානය සම්පූර්ණයෙන්ම නිරායුධ කරන තෙක්, වෙරළ තීරයේ සිට හර්මොන් කන්ද දක්වා වූ ලෙබනන භූමි ප්රදේශය ස්ථිර කාලසීමාවකින් තොරව ඊශ්රායල හමුදා පාලනය යටතේ තබාගන්නා බවයි.
