ජාතික ලුණු සමාගමේ අරමුදල් මගින් රුපියල් මිලියන 24.5ක පිරිවැයක් දරා ඉදිකරන ලද මන්නාරම ලේවායේ වර්ග අඩි 4,000කින් යුත් නව පාලන ගොඩනැගිල්ල සහ ගබඩා සංකීර්ණය අගෝස්තු 27 වන දින පෙ.ව. 10.00ට නිල වශයෙන් විවෘත කරන ලදී. 2025 අගෝස්තු මස ඉදිකිරීම් ආරම්භ කර, 2026 මාර්තු වන විට ඉතා කෙටි කාලයක් තුළ මෙම ව්යාපෘතිය සාර්ථකව නිම කර ඇත.
ආර්ථික සහ නිෂ්පාදන දායකත්වය යටතේ, දිර්ඝ කාලයක් අක්රීයව පැවති කුරන්චිතිව් ලේවාය (Kuranchitivu Saltern) නැවත සක්රීය කර කඩිනමින් නිෂ්පාදන කටයුතු ආරම්භ කිරීමට අපේක්ෂා කරයි. දේශීය කර්මාන්ත සඳහා අවශ්ය කාර්මික ලුණු (Industrial Salt) මෙරටදීම නිෂ්පාදනය කිරීම මගින් ආනයනයට වැයවන විශාල විදේශ විනිමය ප්රමාණයක් ඉතිරි කර ගැනීමට සහ ජාතික ලුණු නිෂ්පාදනය ඉහළ නැංවීමට බලාපොරොත්තු වේ.
මන්නාරම ලේවායේ පසුබිම ලෙස, 1940 වසරේදී ආරම්භ කරන ලද මන්නාරම ලේවාය වාර්ෂිකව මෙට්රික් ටොන් 5,500ක නිෂ්පාදන ධාරිතාවකින් යුක්ත වේ. පසුගිය වසරේදී ජාතික ලුණු සමාගම රුපියල් මිලියන 788ක මුළු ආදායමක් සහ රුපියල් මිලියන 250ක ශුද්ධ ලාභයක් වාර්තා කර ඇත. සපැමිණ සිටි පිරිස අතරට වන්නි දිස්ත්රික් පාර්ලිමේන්තු මන්ත්රී මයිල්වාගනම් ජෙගදීස්වරන්, මන්නාරම දිසාපති කේ. කනකේස්වරන්, ජාතික ලුණු සමාගමේ සභාපති සිවසෝති සිවසංකර් සහ ප්රධාන කළමනාකරු එම්. ජේ. තුවාන් මන්සිල් යන මහත්වරුන් ඇතුළු රාජ්ය නිලධාරීන් සහ ප්රදේශවාසීහු පිරිසක් එක්ව සිටියහ.
