නවගමුව වෙඩි තැබීමේ සිද්ධියට අදාළව අත්අඩංගුවට ගත් සැකකරුවන් දෙදෙනාට එරෙහිව නවගමුව පොලිස් ස්ථානයේ ස්ථානාධිපති එස්. එම්. සී ජයනාත් සහ ඉහළ පෙළේ පොලිස් නිලධාරියකුගේ මෙහෙයවීමෙන් අයිස් මත්ද්රව්ය සහ බෝම්බ දමා ව්යාජ චෝදනා ගොතමින් සිටින බවට අනාවරණය වී ඇති බරපතල තත්ත්වය හමුවේ, පොලිස්පතිවරයා වහාම මේ සඳහා මැදිහත් වන ලෙස බලවත් ලෙස ඉල්ලා සිටී.ඉහළ නිලධාරීන්ගේ පටු වුවමනා එපාකම් මත සැකකරුවන් සතුව මත්ද්රව්ය හා අත්බෝම්බ තිබූ බවට පෙන්වා අධිකරණයෙන් රැඳවුම් නියෝග ලබා ගැනීමට දරන මෙම නීති විරෝධී උත්සාහය කිසිසේත් අනුමත කළ නොහැකි අතර, දැනටමත් දින තුනක රැඳවුම් නියෝග මත රඳවාගෙන ප්රශ්න කරන මෙම සැකකරුවන්ට තවත් දින 90 ක රැඳවුම් නියෝග ගැනීමට උත්සාහ කරමින් අධිකරණය නොමඟ යැවීමට තැත් කිරීම බරපතල අපරාධයකි. එබැවින්, නීතිය අපවිත්ර කරන මෙම බලධාරීන්ගේ ක්රියාදාමය වහාම නතර කර, ඔවුන්ට එරෙහිව දැඩි විමර්ශනයක් ක්රියාත්මක කරන ලෙසට පොලිස්පතිවරයාගෙන් සහ වගකිවයුතු බලධාරීන්ගෙන් දැඩිව ඉල්ලා සිටී.
