ශ්රී ලංකා ආහාර හා පෝෂණවේදීන්ගේ සංගමයේ 9 වැනි වාර්ෂික විද්යා සැසිය සෞඛ්ය සහ ජනමාධ්ය නියෝජ්ය අමාත්ය වෛද්ය හංසක විජේමුණි මහතාගේ ප්රධානත්වයෙන් ජුනි මස 12 සහ 13 යන දෙදින පුරා කොළඹ හිල්ටන් රෙසිඩෙන්සි හෝටල් පරිශ්රයේදී අති උත්කර්ෂවත් අයුරින් පැවැත්විණි.
මෙහි ප්රධාන දේශනය විශේෂඥ වෛද්ය A.S.M. විජේවර්ධන මහත්මිය විසින් සිදු කරන ලද අතර, ප්රධාන ආරාධිත දේශනය ඉන්දීය IAPEN සංගමයේ උප සභාපතිනිය සහ අම්භානි රෝහලෙහි ප්රධාන ආහාර සහ පෝෂණවේදිනී භක්ති සාමන්ත් (Bhakti Samant) මහත්මිය විසින් පවත්වනු ලැබුවාය. මීට අමතරව ශ්රී ලංකා ආහාර සහ පෝෂණවේදීන්ගේ සංගමයේ සභාපති N.M.S. හෙට්ටිගෙදර මහතා ඇතුළු ක්ෂේත්රයේ ප්රවීණ විද්වතුන් රැසක් මෙහිදී අදහස් දැක්වූහ.
ලෝකයේ අනෙකුත් දියුණු රටවල මෙන්ම ශ්රී ලංකාවේ ද ඉදිරි සෞඛ්ය ක්ෂේත්රය ශක්තිමත් කිරීම සඳහා ආහාර හා පෝෂණවේදීන්ගේ දායකත්වය කඩිනමින් ලබාගැනීමේ අවශ්යතාව මෙහිදී විශේෂයෙන් අවධාරණය කෙරිණි. රෝහල්ගතව ප්රතිකාර ලබන රෝගීන්ගේ පෝෂණ ගැටලු නිරාකරණය කිරීම, ඔවුන්ට නිසි පෝෂණයක් ලබා දී සුව වීමේ ක්රියාවලිය ඉක්මන් කිරීම මෙන්ම වර්තමානයේ ප්රධාන තර්ජනයක් වී ඇති බෝ නොවන රෝග (NCDs) පාලනය කිරීම සහ ඒවා ඇති වීමේ අවදානම අඩු කිරීම සඳහා පෝෂණවේදීන්ට විශාල කාර්යභාරයක් ඉටු කළ හැකි බව මෙහි පැවැති සියලුම දේශන මඟින් තහවුරු කරනු ලැබීය.
