මාර්ගවල ගමන් කරන පදිකයන් හෙඩ්ෆෝන් හෝ ඉයර්ෆෝන් පැළඳ සංගීතයට සවන් දෙමින් ගමන් කිරීම හේතුවෙන් සිදුවන අනතුරු ඉහළ ගොස් ඇති බවත්, ඒ පිළිබඳව ඉදිරියේදී දැඩි ලෙස නීතිය ක්රියාත්මක කරන බවත් පොලිස් රථවාහන පාලන හා මාර්ග ආරක්ෂක කොට්ඨාසයේ අධ්යක්ෂ, ජ්යෙෂ්ඨ පොලිස් අධිකාරී මනෝජ් රණගල මහතා පවසයි.
සෞඛ්ය ප්රවර්ධන කාර්යාංශයේ පැවැති මාධ්ය සාකච්ඡාවකට එක්වෙමින් ඒ මහතා වැඩිදුරටත් අවධාරණය කළේ, රථවාහනවල ශබ්ද හෝ අනතුරු ඇඟවීම් නොඇසෙන පරිදි හෙඩ්ෆෝන් පැළඳ මාර්ගවල ගමන් කිරීම පදිකයන්ගේ ආරක්ෂාවට දැඩි තර්ජනයක් වී ඇති බවයි. එබැවින් මාර්ග නීති උල්ලංඝනය කරමින් මෙලෙස ගමන් කරන පදිකයන්ට එරෙහිව නීතිය තදින්ම ක්රියාත්මක කිරීමට තීරණය කර ඇති බව ඔහු සඳහන් කරයි.
