දිළිඳුකම තුරන් කිරීමේ ජාතික වැඩසටහන වන “ප්රජා ශක්ති” යටතේ, ගම්පහ දිස්ත්රික්කයේ කැලණිය ප්රාදේශීය ලේකම් බලප්රදේශයේ සංවර්ධන ව්යාපෘති සඳහා රුපියල් මිලියන 172ක මුදලක් වෙන් කර ඇති බව ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්ය ආචාර්ය උපාලි පන්නිල මහතා පැවසීය. ඒ මහතා මේ බව සඳහන් කළේ අද (ජූලි 01) කැලණිය ප්රාදේශීය ලේකම් කාර්යාලයේ පැවති ප්රගති සමාලෝචන හමුවකට එක්වෙමිනි.
2026 අයවැය මගින් දිවයින පුරා ක්රියාත්මක කෙරෙන ප්රජා ශක්ති වැඩසටහන සඳහා රුපියල් මිලියන 25,000ක් වෙන් කර ඇති අතර, කැලණිය ප්රාදේශීය ලේකම් කොට්ඨාසයේ ග්රාම නිලධාරී වසම් 37ක සංවර්ධන යෝජනා වෙනුවෙන් ඉන් රුපියල් මිලියන 172ක් වෙන් කර තිබේ. දැනටමත් එම වසම් ආවරණය වන පරිදි රුපියල් මිලියන 55ක වටිනාකමින් යුත් ව්යාපෘති ආරම්භ කර ඇති බව අමාත්යවරයා වැඩිදුරටත් සඳහන් කළේය.
