මධ්යම අධිවේගී මාර්ගයේ ඉදිකිරීම් කඩිනම් කරන්න ලෙස ජනාධිපති ගෝඨාභය රාජපක්ෂ මහතා විෂයභාර අමාත්ය අමාත්ය ජොන්ස්ටන් ප්රනාන්දු මහතාට නියම කර ඇති බව ජනාධිපති මාධ්ය අංශය නිවේදනය කරයි.
වන්දි ගෙවීමේ ගැටළු නිසා කොළඹ සිට කරුණෑගල දක්වා කොටසේ ඉදිකිරීම් අඩාල වී තිබෙන අතර ඊට කඩිනමි විසඳුම් දී අධිවේගී මාර්ගය තනා නිම කරන්නැයි ජනාධිපතිවරයා අමාත්ය ජොන්ස්ටන් ප්රනාන්දු මහතාට කියා සිටියේය.
ජනාධිපතිවරයා මේ බව පැවසුවේ පොදුජන පෙරමුණෙන් මහ මැතිවරණයට තරගවදින අපේක්ෂකයන්ගේ ජය තහවුරු කිරීමට අද (27) දෙවන දිනටත් කුරුණෑගල දිස්ත්රික්කයේ චාරිකා කරමින් මාවතගම, මහජන පොළ භූමියේ පැවති ජන හමුවේ දීය.
සමස්ත ලංකා අන්තර් දිස්ත්රික් පාසල් ළමුන් ප්රවාහන සේවා සංගමයේ ඉල්ලීමට අවධානය යොමු කළ ජනාධිපතිවරයා පාසල් වෑන් රථවලට ලීසිං ණය වාරික ගෙවීමට තවත් මාස 06ක සහන කාලයක් ප්රදානයට එකඟතාව පළ කළේය.
නිදහස්ගම විද්යාදීප සහ දේවාපොළ කුමර යන විද්යාලවල ක්රිඩාපිටි ප්රතිසංස්කරණය කරන්නැයි සිසුන් කළ ඉල්ලීම ඉටු කරන මෙන් ජනාධිපතිවරයා යුද හමුදාපතිවරයාට උපදෙස් දුන්නේය.
අපේක්ෂක ශාන්ත බණ්ඩාර මහතා දඹදෙණිය සංවර්ධන පදනම් භූමියේ සංවිධාන කර තිබූ ජන හමුවට ජනාධිපතිවරයා සහ අගමැතිවරයා සහභාගී වූහ.
අපනයන ඇන හිටීමෙන් කුඩා කර්මාන්තකරුවන් මුහුණපා ඇති දුෂ්කරතා පිළිබඳව ජනාධිපතිවරයා සහ අගමැතිවරයා දැනුවත් කෙරිණ. ප්රදේශයේ මත්ද්රව්ය ජාවාරම්කරුවන් පිළිබඳව නිර්නාමිකව ජනාධිපති කාර්යාලයට තොරතුරු යොමු කරන ලෙස ජනාධිපතිවරයා රැස්ව සිටි පිරිස කළ ඉල්ලීමකට පිළිතුරු දෙමින් කීය.
අපේක්ෂක ටිකිරි බණ්ඩාර අධිකාරී මහතා පොල්ගහවෙල වීරඹුගෙදර ප්රාදේශීය සභා ක්රීඩාංගණයේ සංවිධාන කළ තිබූ ජන හමුවට සහභාගී වූ ජනාධිපතිවරයා සහ අග්රාමාත්යවරයා රැස්ව සිටි ජනතාව සමග සුහද කථා බහක නිරත වූහ.
