ශ්රී ලංකාවේ විදේශ අධ්යාපන සහ ශිෂ්ය වීසා උපදේශන ක්ෂේත්රයේ සිය ස්ථාවරත්වය තවදුරටත් තහවුරු කරමින් Real Smart Global පෞද්ගලික සමාගම Asia Miracle 2026 සම්මාන උළෙලේදී “වසරේ විශ්වාසනීයම ශිෂ්ය වීසා උපදේශන සමාගම” ලෙස සම්මානයෙන් පිදුම් ලැබීය. විශ්වාසනීය සහ වෘත්තීයමය විදේශ අධ්යාපන සේවා තුළින් සිසුන්ගේ අධ්යාපන අරමුණු සහ අනාගත වෘත්තීය අපේක්ෂා සාර්ථක කර ගැනීමට ලබාදෙන සහාය සහ සේවා විශිෂ්ටත්වය මෙම ඇගැයීමට පාදක වී ඇත.
2022 වසරේදී ආරම්භ කරන ලද Real Smart Global සමාගම, විදේශ අධ්යාපනය අපේක්ෂා කරන සිසුන්ට ශිෂ්ය උපදේශන පැවැත්වීම, විශ්වවිද්යාල හා පාඨමාලා තෝරා ගැනීමට සහ ප්රවේශයට සහාය වීම, වීසා ලේඛන සැකැසීම සහ අයැදුම්පත් ක්රියාවලිය සිදු කිරීම, මූල්ය හා ලේඛන සම්බන්ධ මාර්ගෝපදේශනය, විදේශගත වීමට පෙර අවශ්ය සහාය ලබා දීම ඇතුළු සේවා රැසක් පිරිනමයි.
කොළඹ Taj Samudra හෝටලයේ පැවති මෙම සම්මාන උළෙල සඳහා Real Smart Global නියෝජනය කරමින් කළමනාකරණ අධ්යක්ෂ හර්ෂණ ප්රභාත් අබේකෝන්, ව්යාපාර සංවර්ධන කළමනාකරු ප්රගීත් දිනුසර, මෙහෙයුම් කළමනාකරු රොෂාන් විදුරංග, සම්බන්ධීකරණ ලේකම් තෂ්මිලා මීවැල්ල සහ ජ්යෙෂ්ඨ උපදේශිකා දිනෙල්කා සචිනි යන මහත්ම මහත්මීහු සහභාගී වූහ.
රුසියාව, මෝල්ටාව, අසර්බයිජානය, ජෝර්ජියාව, එක්සත් රාජධානිය සහ සිංගප්පූරුව ඇතුළු රටවල් රැසක උසස් අධ්යාපන අවස්ථා අපේක්ෂා කරන සිසුන්ට මෙමඟින් මාර්ගෝපදේශන සපයනු ලබයි. මීට පෙර Business Excellence Award 2025 සහ People’s Excellence Award 2025 යන සම්මානවලින් ද පිදුම් ලබා ඇති රත්නපුර සහ ශ්රී ජයවර්ධනපුර කෝට්ටේ පිහිටි මෙහෙයුම් ආයතන හරහා Real Smart Global ශ්රී ලාංකික සිසුන්ට ගෝලීය අධ්යාපන අවස්ථා වෙත ප්රවේශ වීමට අවශ්ය වෘත්තීයමය මඟපෙන්වීම අඛණ්ඩව ලබා දෙයි.
