විපක්ෂ නායක සජිත් ප්රේමදාස මහතා විසින් කරන ලද ප්රකාශයකට අනුව, රටක් ලෙස පසුගිය වසර හතක කාලය තුළ දැවැන්ත කේදවාචක සහ අභියෝග පහකට මුහුණ දීමට සිදුවී ඇති බව පෙන්වා දී තිබේ. පාස්කු ප්රහාරය, කෝවිඩ්-19 වසංගතය, රට බංකොලොත්භාවයට පත්වීම, දිත්වා සුළි කුණාටුව සහ මැදපෙරදිග මෙන්ම බටහිර ආසියාකරයේ උද්ගත වී ඇති යුධ තත්ත්වය යන ප්රධාන අර්බුද පහ මෙහිදී ඔහු විසින් පෙන්වා දී ඇත.
පරිසරවේදීන් සහ දේශගුණික විපර්යාස පිළිබඳ විශේෂඥයන් පෙන්වා දෙන ආකාරයට ඉදිරියේදී හයවන අභියෝගයකටද මුහුණ දීමට සිදුවිය හැකි බව ඒ මහතා සඳහන් කරයි. මේ සම්බන්ධයෙන් අවධානය යොමු කරමින් පාර්ලිමේන්තුව තුළ දේශගුණික විපර්යාස පිළිබඳ පාර්ලිමේන්තු සංසදයක් ක්රියාත්මක වන අතර, එහි සම සභාපතිවරයා ලෙස සජිත් ප්රේමදාස මහතා කටයුතු කරයි. රජය නියෝජනය කරමින් රුහුණු විශ්වවිද්යාලයේ මහාචාර්ය එල්.එම්. අබේවික්රම මහතා එහි අනෙක් සම සභාපතිවරයා ලෙස කටයුතු කරන අතර, මෙම කමිටුව හරහා ඉදිරියේදී මතුවිය හැකි දේශගුණික අභියෝග පිළිබඳව නිරන්තරයෙන් සොයා බලමින් පවතියි.
