එල් නිනෝ කාලගුණ තත්ත්වයේ බලපෑම හේතුවෙන් දිවයින පුරා දිස්ත්රික්ක 8ක පවුල් 50,174කට අයත් පුද්ගලයින් 163,869 දෙනෙකු තවදුරටත් දැඩි පීඩාවට පත්ව සිටී. ජාතික ආපදා කළමනාකරණ මධ්යස්ථානය විසින් නිකුත් කරන ලද නවතම දත්ත වාර්තාවන්ට අනුව මෙම තත්ත්වය හමුවේ ප්රාදේශීය ලේකම් කොට්ඨාස 36කට සෘජු බලපෑම් එල්ල වී තිබේ.
ප්රදේශවාසීන්ගේ දෛනික ජීවිතයට බරපතල බලපෑම් එල්ල කරමින්, එම කොට්ඨාසවල ජීවත් වන පවුල් 43,586කට අයත් පුද්ගලයින් 142,236 දෙනෙකු වෙත මේ වන විටත් පානීය ජලය බෙදා හැරීමේ හදිසි වැඩපිළිවෙළක් ක්රියාත්මක කරමින් පවතී. අම්පාර, මඩකලපුව, මොණරාගල, බදුල්ල, මාතලේ, අනුරාධපුරය, පොළොන්නරුව සහ රත්නපුර යන දිස්ත්රික්ක මෙලෙස පානීය ජල ගැටලුවලට මුහුණ දී ඇති අතර, ඉන් වැඩිම බලපෑමක් එල්ල වී ඇත්තේ මොණරාගල දිස්ත්රික්කයටයි.
මෙම දේශගුණික විපර්යාස හමුවේ මතුව ඇති පානීය ජල අර්බුදය ඉදිරියේදී තවදුරටත් උග්ර වීමේ අවදානමක් පවතින බැවින්, ජනතාවගේ මූලික මිනිස් අවශ්යතා සුරක්ෂිත කිරීම සඳහා කඩිනම් සහ දීර්ඝකාලීන ජල කළමනාකරණ ක්රъමවේද ක්රියාත්මක කිරීම බලධාරීන්ගේ වගකීම වී තිබේ. එසේ නොමැත නම්, මෙම තත්ත්වය කලාපීය මට්ටමින් බරපතල සමාජ හා ආර්ථික අර්බුදයක් දක්වා වර්ධනය වීමට ඉඩ ඇත.
