එල් නිනෝ කාලගුණික තත්ත්වයේ බලපෑම හේතුවෙන් දිස්ත්රික්ක 7ක ප්රාදේශීය ලේකම් කොට්ඨාස 35කට අයත් පුද්ගලයින් 115,534 දෙනෙකු පීඩාවට පත්ව සිටින බව ජාතික ආපදා සහන සේවා මධ්යස්ථානය පවසයි. අද (05) නිකුත් කරන ලද වාර්තාවලට අනුව, පීඩාවට පත් ජනතාව වෙනුවෙන් ප්රාදේශීය ලේකම් කොට්ඨාස 34ක පවුල් 34,608කට අයත් පුද්ගලයින් 113,354 දෙනෙකු සඳහා පානීය ජලය බෙදා හැරීමේ කටයුතු මේ වන විට සිදු කෙරෙමින් පවතී.
මෙම ආපදා තත්ත්වයෙන් වැඩිම බලපෑමක් එල්ල වී ඇත්තේ මොණරාගල දිස්ත්රික්කයට වන අතර, එහි ප්රාදේශීය ලේකම් කොට්ඨාස 8ක පුද්ගලයින් 41,360 දෙනෙකු පීඩාවට පත්ව ඇත. මීට අමතරව මඩකලපුව (33,394), බදුල්ල (20,418), අම්පාර (11,995), පොළොන්නරුව (6,842), රත්නපුර (1,374) සහ අනුරාධපුර (151) යන දිස්ත්රික්කවල ජනතාව ද මෙම වියළි කාලගුණික තත්ත්වයෙන් පීඩාවට පත්ව සිටින අතර, අදාළ ප්රදේශවල පීඩාවට පත් ජනතාවට පානීය ජලය අඛණ්ඩව සැපයීමේ සහ සහන සැලසීමේ කටයුතු ආපදා කළමනාකරණ අංශ මගින් සක්රියව සම්බන්ධීකරණය කරනු ලබයි.
