ඉන්දුනීසියානු ජනරජයේ විදේශ කටයුතු නියෝජ්ය අමාත්ය මුහම්මද් අනිස් මත්තා (Muhammad Anis Matta) මහතා ප්රමුඛ දූත පිරිස සහ බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතා අතර නිල හමුවක් පසුගිය 24 වනදා කොළඹදී පැවැත්විණි. දෙරට අතර පවතින දිගුකාලීන මිත්රත්වය සහ ද්වීපාර්ශවික සබඳතා තවදුරටත් ශක්තිමත් කිරීම මෙහි ප්රධාන අරමුණ විය.
ආගමික හා සංස්කෘතික ක්ෂේත්රවල පවතින සමීප සබඳතා තවදුරටත් වර්ධනය කර ගැනීමටත්, ඒ ආශ්රිත නව අවස්ථා උදාකර ගැනීමටත් මෙහිදී අවධානය යොමු විය. දෙරටේ අදාළ ආයතන අතර අනාගතයේදී වඩාත් ක්රියාකාරී සහයෝගීතාවයක් ගොඩනැගීමට ද දෙපාර්ශවය එකඟතාව පළ කර තිබේ.
මෙම අවස්ථාවට ආගමික හා සංස්කෘතික කටයුතු නියෝජ්ය අමාත්ය මුනීර් මුලෆ්ෆර් මහතා, ඉන්දුනීසියානු තානාපතිනී ඩේවි ගුස්ටිනා ටොබින් (Dewi Gustina Tobing) මැතිනිය සහ විදේශ කටයුතු අමාත්යාංශයේ අග්නිදිග ආසියා හා මධ්යම ආසියා අංශයේ අධ්යක්ෂ මහේෂ් ප්රේමතිලක මහතා ඇතුළු දූත පිරිසක් සහභාගී වූහ.
මෙම හමුව හරහා ඉන්දුනීසියාව සහ ශ්රී ලංකාව අතර පවතින ද්වීපාර්ශවික විශ්වාසය තවදුරටත් තහවුරු වූ බව අමාත්යාංශය වැඩිදුරටත් සඳහන් කරයි.
