2026 ජාතික වෙරළ වොලිබෝල් ශූරතාවලියේ විවෘත පිරිමි ශූරතාව ශ්රී ලංකා ගුවන් හමුදාව දිනාගත් අතර, විවෘත කාන්තා ශූරතාව ඔමේගා ලයින් කණ්ඩායම විසින් දිනාගෙන තිබේ. තරගාවලිය ශ්රී ලංකා වොලිබෝල් සම්මේලනය සහ වත්තල ප්රාදේශීය සභාව එක්ව සැප්තැම්බර් 19 සහ 20 දෙදින වත්තල සරක්කුව වෙරළ තීරයේදී සංවිධානය කර තිබුණි.
විවෘත පිරිමි අවසන් තරගයේදී ශ්රී ලංකා ගුවන් හමුදාව ගුවන් හමුදා කණ්ඩායමක්ම 2–1ක් ලෙස පරාජය කරමින් ශූරතාව හිමිකරගෙන තිබේ. විවෘත කාන්තා අවසන් තරගයේදී ඔමේගා ලයින් කණ්ඩායම ශ්රී ලංකා නාවික හමුදා කණ්ඩායම 2–1ක් ලෙස පරාජය කරමින් ශූරතාව දිනාගත් බව වාර්තා වේ.
මේ අතර, වයස අවුරුදු 23න් පහළ පිරිමි ශූරතාව වලස්මුල්ල ජාතික පාසල දිනාගෙන ඇති අතර, එහි අවසන් තරගයේදී දවිසමර මහා විද්යාලය, සීදූව 2–1ක් ලෙස පරාජය කර තිබේ. 23න් පහළ කාන්තා ශූරතාව ශ්රී ලංකා ගුවන් හමුදා ක්රීඩා සමාජය දිනාගෙන ඇත්තේ මීරිගම ක්රීඩා සමාජය 2–0ක් ලෙස පරාජය කරමිනි.
දිවයින පුරා කණ්ඩායම් 100කට අධික සංඛ්යාවක් එක්වූ මෙම තරගාවලියේ අරමුණක් ලෙස වෙරළ ආශ්රිත සංචාරක කර්මාන්තය ප්රවර්ධනය කිරීම මෙන්ම තරුණ ක්රීඩක ක්රීඩිකාවන්ට ජාතික මට්ටමට පැමිණීමට අවස්ථාව සැලසීම සඳහන් කර තිබේ.
