වත්මන් රජය බලයට පත්වී වසර දෙකක් සම්පූර්ණ වුවද රට තුළ එකදු සංවර්ධන ව්යාපෘතියක් හෝ දැකගත නොහැකි බව ගාල්ල දිස්ත්රික් පාර්ලිමේන්තු මන්ත්රී ගයන්ත කරුණාතිලක මහතා පවසයි. සභාව කල් තබන අවස්ථාවේ විවාදයට එක්වෙමින් මන්ත්රීවරයා මේ බව සඳහන් කළේය.
ආණ්ඩුව බලයට පත්වීමේදී ජනතාවට ලබා දුන් කිසිදු පොරොන්දුවක් මෙතෙක් ඉටු වී නොමැති බව ඔහු පෙන්වා දෙයි. එසේම, වත්මන් රජයේ එකම ආර්ථික උපායමාර්ගය වී ඇත්තේ ජනතාව මත තවදුරටත් බදු බර පැටවීම පමණක් බවද මන්ත්රීවරයා චෝදනා කළේය.
මීට වසර දෙකකට පෙර විශාල ජනවරමක් සහිතව බලයට පත් වූ රජය, පොහොසත් රටක් සහ ලස්සන ජීවිතයක් ලබා දෙන බවට පොරොන්දු වුවද, අද වන විට එම පොරොන්දු හුදු සුරංගනා කතා බවට පත්ව ඇති බව ගයන්ත කරුණාතිලක මහතා සඳහන් කළේය. රජය විසින් ජනතාවගේ ඉරණම භාරගෙන ඇති බව සිහිපත් කළ මන්ත්රීවරයා, භූ දේශපාලනික සහ රාජ්යතාන්ත්රික වශයෙන් ලෝකයේ ඉතා වැදගත් මර්මස්ථානයක් ශ්රී ලංකාව සතු බවද වැඩිදුරටත් අවධාරණය කළේය.
