ලෝකයේ පවතින වත්මන් දේශපාලන හා යුදමය තත්ත්වය පිළිබඳ විශේෂ පාර්ලිමේන්තු විවාදය හෙට (19) සහ අනිද්දා (20) යන දින දෙකේදී පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කර තිබේ. කථානායකවරයාගේ ප්රධානත්වයෙන් ඊයේ (17) පැවැති රැස්වීමේදී මෙම තීරණය ගෙන ඇත.
ගෝලීය වශයෙන් පවතින අර්බුදකාරී වාතාවරණය මෙරටට බලපාන ආකාරය සහ ඒ සඳහා ගතයුතු ක්රියාමාර්ග පිළිබඳව මෙහිදී දීර්ඝ වශයෙන් සාකච්ඡා කිරීමට නියමිතය
බලශක්ති අර්බුදයට විසඳුමක් ලෙස රජය විසින් සෑම සතියකම බදාදා දිනය රජයේ නිවාඩු දිනයක් ලෙස ප්රකාශයට පත් කර ඇති බැවින්, අද (18) දිනයේ පාර්ලිමේන්තු රැස්වීම් නොපැවැත්වේ
ඉන්ධන සහ බලශක්ති පරිභෝජනය අවම කිරීමේ අරමුණින් පාර්ලිමේන්තුව ද මෙම නිවාඩු ක්රමවේදයට අනුගත වී තිබේ
මේ අතර, හෙට දිනයේ ආරම්භ වන විවාදයට පෙර විපක්ෂ නායක සජිත් ප්රේමදාස මහතා විසින් මතු කරන ලද ඉන්ධන මිල සහ සංචිත පිළිබඳ ප්රශ්නවලට රජය පිළිතුරු ලබා දෙනු ඇතැයි ද අපේක්ෂා කෙරේ. හෙට උදෑසන 9.30 ට පාර්ලිමේන්තු රැස්වීම් ආරම්භ වීමට නියමිතය.
