ඇමෙරිකානු පැසිෆික් නාවික හමුදාපති (US Pacific Fleet) ඇඩ්මිරල් ස්ටීව් කෝලර් මහතා සහ ශ්රී ලංකා ආරක්ෂක ලේකම් එයාර් වයිස් මාර්ෂල් (විශ්රාමික) සම්පත් තුයියකොන්ත මහතා අතර විශේෂ හමුවක් අද (19) පැවැත්විණි. දෙරට අතර පවතින ආරක්ෂක සහයෝගීතාව සහ කලාපීය ආරක්ෂාව තහවුරු කිරීම පිළිබඳව මෙහිදී දීර්ඝ වශයෙන් සාකච්ඡා වී තිබේ. ඉන්දු-පැසිෆික් කලාපයේ ස්ථාවරත්වය ඇති කිරීම සඳහා ජාතික ස්වෛරීභාවය ආරක්ෂා වන පරිදි විනිවිධභාවයකින් යුත් හවුල්කාරිත්වයක් පවත්වා ගැනීමේ වැදගත්කම දෙපාර්ශ්වයම මෙහිදී අවධාරණය කළහ.
මෙම සාකච්ඡාවේදී දෙරටේ සන්නද්ධ හමුදාවල වෘත්තීයභාවය සහ හැකියාවන් වර්ධනය කිරීම මෙන්ම අන්තර්ජාතික ආරක්ෂක තර්ජනවලට මුහුණ දීමේදී සහයෝගයෙන් කටයුතු කිරීම පිළිබඳව විශේෂ අවධානයක් යොමු විය. විශේෂයෙන්ම ඉන්දියන් සාගර කලාපයේ ආරක්ෂාව සහ ස්ථාවරත්වය සහතික කිරීම සඳහා සමුද්රීය ක්ෂේත්රයේ තොරතුරු හුවමාරු කර ගැනීමටත්, දිගුකාලීන සහයෝගීතාවයකින් යුතුව කටයුතු කිරීමටත් දෙරටේ නිලධාරීන් සිය කැපවීම ප්රකාශ කළහ.
