හදිසි විදුලි බිඳවැටුම් යථා තත්ත්වයට පත් කිරීමේදී යම් ප්රමාදයන් සිදුවිය හැකි බව කාරුණිකව දැනුම් දෙන බව ලංකා විදුලිබල මණ්ඩලය පවසයි.
එම මණ්ඩලය නිවේදනයක් නිකුත් කරමින් සඳහන් කර සිටියේ වර්තමානයේ රටෙහි පවත්නා ඉන්ධන අර්බුදය ලංකා විදුලිබල මණ්ඩලයටද අභියෝගයක්ව ඇති බවයි.
විදුලි බිඳවැටුම් යථා තත්ත්වයට පත් කිරීම සහ නඩත්තු කටයුතු සඳහා ලංකා විදුලිබල මණ්ඩලයේ ක්ෂේත්ර සේවයේ රථ වාහන යොමු කිරීමේදී ඉන්ධන හිඟය හේතුවෙන් ප්රමුඛතාවයන් හඳුනා ගනිමින් වාහන යොමු කිරීමට ලංවිමට සිදුව ඇති අතර ඒ හේතුවෙන්, හදිසි විදුලි බිඳවැටුම් යථා තත්ත්වයට පත් කිරීමේදී යම් ප්රමාදයන් සිදුවිය හැකි බව කාරුණිකව දැනුම් දෙන බව ලංකා විදුලිබල මණ්ඩලය පැවසිය.
සම්පත් සීමිතවීමේ අභියෝගය ලංවිම පාලනයෙන් බැහැර කරුණක් වුවද, පාරිභෝගික ජනතාව වෙත සිදුවන අපහසුතාවයන් අවම කරගැනීම සඳහා හැකි ඉක්මනින් විදුලිය සැපයීමට අප සැමවිටම කැපවී සිටින බව ලංකා විදුලිබල මණ්ඩලය වැඩිදුරටත් සඳහන් කර සිටි.
