තරුණ ප්රජාව සවිබල ගැන්වීම සහ ශ්රී ලංකාවේ තරුණ පරිසර පද්ධතිය ශක්තිමත් කිරීම වෙනුවෙන් සිදුකළ කැපී පෙනෙන දායකත්වය අගයමින්, ශ්රී ලංකීය තරුණ ව්යවසායක, අධ්යාපනඥ සහ තරුණ සංවර්ධන වෙනුවෙන් පෙනී සිටින්නෙකු වන ශුක්රි සල්මාන් මහතා 2026 “Youth Top 40 New Generation Awards” උළෙලේදී “Youth Ecosystem Builder” සම්මානයෙන් පිදුම් ලබා තිබේ.
අධ්යාපන විශිෂ්ටත්වය, ආයතනික නායකත්වය, ව්යවසායකත්වය සහ ප්රජා සත්කාරක සේවාවන් මැනවින් සංකලනය කරගත් තරුණ නායකයෙකු වන ඔහු, ACCA සහ CIMA සිසුන් 5,000 කට අධික පිරිසක් පුහුණු කර ඇති අතර, විශ්ව විද්යාල ප්රවේශය ලබන උසස් පෙළ ව්යාපාර අධ්යයනය (Business Studies) ගුරුවරයෙකු ලෙසද කටයුතු කරයි. තවද, ‘Coffee with CEO’, ‘Teen Business Summit’ සහ ‘StartX’ වැනි ප්රමුඛ පෙළේ වැඩසටහන් රැසක් හරහා ශ්රී ලංකාවේ යෞවනයන් ව්යවසායකත්වයට සහ වෘත්තීය සංවර්ධනයට යොමු කිරීමට ඔහු පුරෝගාමී වී ඇත.
මෙම කීර්තිමත් සම්මානය ලැබීමෙන් පසු අදහස් දක්වමින් ඔහු සඳහන් කර ඇත්තේ, මෙම ඇගයීම තමන්ගේ පෞද්ගලික කඩඉමක් පමණක් නොව, ශ්රී ලංකාවේ තරුණ තරුණියන්ට ලෝකයේ අනෙකුත් රටවලට සමාන අවස්ථා ලැබිය යුතුයැයි විශ්වාස කළ සෑම සිසුවෙකුටම, උපදේශකයෙකුටම සහ හවුල්කරුවෙකුටම හිමිවන ජයග්රහණයක් බවයි.
