ඉරානය සමඟ පවතින යුදමය වාතාවරණය තවත් සති දෙකක් හෝ තුනක් වැනි කෙටි කාලයකින් අවසන් විය හැකි බව අමෙරිකානු ජනාධිපති ඩොනල්ඩ් ට්රම්ප් (Donald Trump) අද (01) ප්රකාශ කළේය. මේ පිළිබඳව විශේෂ ප්රකාශයක් සිදු කිරීම සඳහා ජනාධිපතිවරයා අද රාත්රියේ ජාතිය ඇමතීමට නියමිත බව ධවල මන්දිරය තහවුරු කර තිබේ.
ජනාධිපති ට්රම්ප් අවධාරණය කළේ, ඉරානය සමඟ යම් එකඟතාවකට පැමිණියද නැතත් එය තමන්ට අදාළ නොවන බවත්, ඔවුන් සතු සියලුම යුද ශක්තිය විනාශ කර දැමීම තම අරමුණ බවත්ය. “ඉරානය යළිත් කිසිදා න්යෂ්ටික අවියක් නිපදවිය නොහැකි ලෙස ඔවුන්ව ශිලා යුගය (Stone ages) දක්වා ඇද දැමූ පසු අප එතැනින් ඉවත් වෙනවා,” යනුවෙන් ඔහු දැඩිව ප්රකාශ කළේය. අවශ්ය වුවහොත් ඉරානයේ ප්රධාන පාලම් කිහිපයක් ඉලක්ක කර ප්රහාර එල්ල කරන බවට ද ඔහු අනතුරු ඇඟවීය.
මේ අතර, ඊශ්රායල අග්රාමාත්ය බෙන්ජමින් නෙදන්යාහු ද ප්රකාශ කළේ ඉරානයේ “භීෂණ පාලනය” මුළුමනින්ම මර්දනය කරන තෙක් තම හමුදා මෙහෙයුම් නතර නොකරන බවයි. ඉරාන ජනාධිපති මසූඩ් පෙසෙෂ්කියන් (Masoud Pezeshkian) පවසා ඇත්තේ යුද්ධය අවසන් කිරීමට තම රට සූදානම් වුවද, ඒ සඳහා නිසි ජාත්යන්තර සහතිකයක් අවශ්ය බවයි. කෙසේ වෙතත්, මැදපෙරදිග කලාපයේ බලය තහවුරු කර ගැනීමට ඊශ්රායලය සහ අමෙරිකාව එක්ව මෙම මෙහෙයුම් තවදුරටත් දැඩි කරමින් සිටී.
