මැදපෙරදිග පවතින ඉරාන යුද්ධයේ බලපෑම බ්රිතාන්ය ආර්ථිකය පුරා ව්යාප්ත වෙමින් පවතින අතර, එරට සමාගම්වල නිෂ්පාදන පිරිවැය අප්රේල් මාසයේදී වාර්තාගත මට්ටමකින් ඉහළ ගොස් ඇති බව අද (23) නිකුත් වූ නවතම දත්ත පෙන්වා දෙයි. S&P Global ආයතනය විසින් නිකුත් කරන ලද බ්රිතාන්යයේ ‘සංයුක්ත ගැනුම් කළමනාකරුවන්ගේ දර්ශකය’ (Flash UK Composite PMI) අනුව, නිෂ්පාදන පිරිවැය මෙලෙස එක් මාසයක් තුළ ඉහළ ගොස් ඇත්තේ වසර 28කට පසු ප්රථම වතාවටය.
යුදමය වාතාවරණය හේතුවෙන් බලශක්ති මිල සහ සැපයුම් දාම පිරිවැය ඉහළ යාම මීට සෘජුවම බලපා ඇති අතර, මෙය ඉදිරියේදී එරට උද්ධමනය තවදුරටත් ඉහළ යාමට හේතු වනු ඇතැයි ආර්ථික විශ්ලේෂකයෝ අනතුරු අඟවති. විශේෂයෙන්ම 2022 වසරේ අගභාගයේදී වාර්තා වූ දෙඅංකයේ උද්ධමන තත්ත්වයෙන් පසු වාර්තා වූ ඉහළම පිරිවැය වර්ධනය මෙය වන අතර, බ්රිතාන්යයේ ආර්ථික ප්රකෘතිමත් වීමට මෙම තත්ත්වය දැඩි බාධාවක් වනු ඇතැයි අපේක්ෂා කෙරේ.
