ඇමෙරිකා එක්සත් ජනපදයේ උපත ලබන දරුවන්ට හිමිවන ස්වභාවික පුරවැසි අයිතිය අවලංගු කිරීම සඳහා ජනාධිපති ඩොනල්ඩ් ට්රම්ප් මහතා සිය පාලන කාලයේ පළමු දිනයේ නිකුත් කළ විධායක නියෝගය ශ්රේෂ්ඨාධිකරණය විසින් ප්රතික්ෂේප කර තිබේ. එරට ව්යවස්ථාවේ 14 වැනි සංශෝධනය උපුටා දක්වමින් අධිකරණය තීන්දු කළේ, දෙමාපියන් නීති විරෝධී ලෙස රට තුළ රැඳී සිටියද, අමෙරිකානු භූමියේ උපත ලබන ඕනෑම දරුවෙකු උපතින්ම අමෙරිකානු පුරවැසියෙකු බවයි.
මෙම තීන්දුව මගින් ජනාධිපතිවරයාගේ ආගමන විගමන ප්රතිපත්තියට දැඩි බලපෑමක් එල්ල වී ඇති අතර, එය අමෙරිකානු ව්යවස්ථාවේ මූලික අයිතිවාසිකම් තහවුරු කරන සන්ධිස්ථානයක් ලෙස නීති විශාරදයෝ දකිති. වසර ගණනාවක් තිස්සේ දේශපාලන කතිකාවතේ පැවති මෙම මතභේදයට අධිකරණයෙන් ලැබුණු මෙම තීන්දුවත් සමඟ, නීති විරෝධී ලෙස රට තුළ වෙසෙන දෙමාපියන්ට දාව උපත ලබන දරුවන්ගේ අයිතිවාසිකම් තවදුරටත් ව්යවස්ථානුකූලව ආරක්ෂා වනු ඇත.
