වත්මන් රජයට සහ ජනාධිපති අනුර කුමාර දිසානායක මහතාට වසර දෙකක් සම්පූර්ණ වීම නිමිත්තෙන් රජය විසින් සංවිධානය කරනු ලබන ජනතා රැළි සහ ප්රචාරක වැඩපිළිවෙළ දැඩි ලෙස විවේචනය කරමින් ජාතික නිදහස් පෙරමුණේ නායක, හිටපු අමාත්ය විමල් වීරවංශ මහතා අදහස් දක්වා තිබේ.
රටේ පවතින සැබෑ ආර්ථික සහ ජන ජීවිතයේ ගැටලු විසඳීම වෙනුවට රජය සිය දෙවසරක “අස්වැන්න” පෙන්වීම සඳහා පමණක් රට වටා ගොස් රැස්වීම් පවත්වමින් සිටින බව ඔහු පෙන්වා දෙයි. එහිදී රජයේ මෙම ප්රචාරක යාන්ත්රණය උපමාවකට නඟමින් විමල් වීරවංශ මහතා සඳහන් කර ඇත්තේ, උදේට සහ දවාලට බඩගින්නේ සිටින ජනතාවට හවසට පැමිණෙන “චූන් පාන්” වලින් කිසිදු පලක් හෝ සතුටක් නොමැති සේ, ජනතාවගේ මූලික ප්රශ්න විසඳා නැති පසුබිමක පවත්වන මෙම රැළිවලින් කිසිදු අර්ථයක් නොමැති බවයි. හොරුන් අල්ලා ඇතැයි පාරම් බෑම හැර වෙනත් සැබෑ සංවර්ධනයක් හෝ ජනප්රිය සහන ක්රමයක් රට තුළ ක්රියාත්මක නොවන බවද හ හෙතම මෙහිදී වැඩිදුරටත් චෝදනා කළේය.
