ලෝක බැංකුවේ දේශගුණික විපර්යාස පිළිබඳ ක්රියාකාරී සැලැස්ම එළඹෙන ජුනි 30 වනදායින් අවසන් වීමට නියමිතව තිබියදී, එහි පවතින දේශගුණික මූල්ය උපායමාර්ගයන් ඉදිරියටත් පවත්වාගෙන යාම සඳහා ප්රංශය ඇතුළු ලෝක බැංකු කොටස්කරුවන් විසඳුම් සොයමින් සිටින බව ප්රංශ සංවර්ධන අමාත්ය එලිනෝර් කැරොයිට් (Eleonore Caroit) මහත්මිය ප්රකාශ කරයි. වොෂින්ටන් නුවර පැවැත්වෙන ජාත්යන්තර මූල්ය අරමුදල සහ ලෝක බැංකුවේ වසන්ත හමුවට සමගාමීව ඇය මේ බව අවධාරණය කළාය.
ලෝක බැංකුවේ වත්මන් දේශගුණික සැලැස්ම අවසන් වීමත් සමඟ එම ක්ෂේත්රයට ලැබෙන මූල්ය ප්රතිලාභ අඛණ්ඩව පවත්වාගෙන යාමේ අවශ්යතාවය ඇය පෙන්වා දුන්නාය. විශේෂයෙන් ඉරාන යුද්ධය හේතුවෙන් ලෝකය තෙල් සහ ගෑස් සැපයුම් කම්පනයකට මුහුණ දී සිටින මෙවැනි වකවානුවක, දේශගුණික විපර්යාසවලට ඔරොත්තු දෙන සංවර්ධන ව්යාපෘති සඳහා ලෝක බැංකුවේ දායකත්වය අත්යවශ්ය වී තිබේ. මෙම ක්රියාවලිය විනිවිදභාවයකින් යුතුව සහ ප්රතිලාභ රැකෙන පරිදි ඉදිරියට ගෙන යාම සඳහා මේ වන විටත් සාකච්ඡා ආරම්භ වී ඇත.
