චීනයේ මානුෂීය රොබෝ තාක්ෂණ (Humanoid robotics) ක්ෂේත්රයේ නවක සමාගමක් වන X Square Robot, Xiaomi සමාගමේ ප්රධානත්වයෙන් යුත් නවතම ආයෝජන වටයකින් (Series B) අරමුදල් සපුරාගත් බව නිවේදනය කර තිබේ. ඒ අනුව එළඹෙන මැයි මස අගදී සිය නව පරම්පරාවේ රොබෝවරුන් සැබෑ නිවෙස් පරිසරය තුළ පරීක්ෂාවට ලක් කිරීම ආරම්භ කිරීමට ඔවුන් සැලසුම් කර ඇත.
සමාගමේ ප්රධාන විධායක නිලධාරී වැන්ග් කියෑන් පවසන පරිදි, මැයි 25 වනදා ආරම්භ වන මෙම පරීක්ෂණ අදියර සඳහා පළමු නිවෙස් පරිශීලකයින් කණ්ඩායම මේ වන විට බඳවා ගනිමින් පවතී. මෙහිදී ඔවුන් “Wall-B” නමින් හැඳින්වෙන නව AI මාදිලියක් ද හඳුන්වා දුන් අතර එය “World Unified Model” ව්යුහය මත පදනම් වූවකි.
මෙම තාක්ෂණය මගින් රොබෝවරයාට තම ශරීර ප්රමාණය පිළිබඳව මෙන්ම ගුරුත්වාකර්ෂණය, අවස්ථිතිය සහ ඝර්ෂණය වැනි මූලික භෞතික විද්යාත්මක සාධක පිළිබඳව සහජ අවබෝධයක් ලබා දෙයි. එමගින් වැරදීම්වලින් පාඩම් ඉගෙන ගනිමින් තම ක්රියාකාරකම් ස්වයංක්රීයව වෙනස් කර ගැනීමට රොබෝවරයාට හැකියාව ලැබෙනු ඇත.
