චීනයේ ස්වයංක්රීය ධාවන චිප් නිෂ්පාදකයෙකු වන Horizon Robotics සමාගම, ස්මාර්ට් රථ ඇතුළත පාලන පද්ධති (Smart-cabin) සහ ස්වයංක්රීය ධාවන හැකියාව (Self-driving) යන දෙකම එකම චිප් එකකට ඒකාබද්ධ කරන ලද සිය ප්රථම නැනෝමීටර් 5 (5-nanometer) ප්රොසෙසරය වන ‘Starry’ පසුගිය අප්රේල් 22 වනදා හඳුන්වා දෙන ලදී. මෝටර් රථ ක්ෂේත්රයේ පවතින මිල තරගකාරිත්වය හමුවේ නිෂ්පාදන පිරිවැය අඩු කිරීමට මෝටර් රථ නිෂ්පාදකයින්ට සහාය වීම මෙහි ප්රධාන අරමුණයි.
මෙම ‘Starry’ චිප් එක සහ ඒ හා සම්බන්ධ AI තාක්ෂණය හරහා Horizon Robotics සමාගම, ලොව ප්රමුඛතම සමාගම් වන Nvidia සහ Qualcomm සමඟ සෘජුවම තරග කිරීමට සූදානම් වේ. මෙමගින් මෝටර් රථ නිෂ්පාදකයින්ට වඩාත් කාර්යක්ෂම සහ අඩු පිරිවැයකින් යුත් ස්වයංක්රීය ධාවන පද්ධති නිර්මාණය කිරීමට මග පෑදෙනු ඇත.
අති නවීන තාක්ෂණයෙන් යුත් මෙම චිප් එක, මීළඟ පරම්පරාවේ ඉහළ ස්වයංක්රීය වාහන බලගැන්වීමේ තීරණාත්මක සාධකයක් වනු ඇතැයි විශ්ලේෂකයෝ පෙන්වා දෙති.
