ජාත්යන්තර මූල්ය අරමුදලේ ඉහළ පෙළේ දූත කණ්ඩායමක් අද (02දා) මෙරටට පැමිණීමට නියමිතය. මේ සම්බන්ධයෙන් ඊයේ (01දා) පැවති කැබිනට් තීරණ දැනුම් දීමේ ප්රවෘත්ති සාකච්ඡාවේදී අදහස් පළ කළ කැබිනට් ප්රකාශක අමාත්ය විජිත හේරත් මහතා කියා සිටියේ මූල්ය අරමුදලේ මෙම දූත කණ්ඩායම සමග මූල්ය අරමුදලේ වැඩසටහන පිළිබඳ මූලික සාකච්ඡාවක් පමණක් සිදු කෙරෙන බවයි.
එහි ව්යුහාත්මක කරුණු පිළිබඳ සාකච්ඡාවක් ඔක්තෝබර් මස අග භාගයේ දී නිව්යෝර්ක් නුවරදී පැවැත්වීමට නියමිතව ඇති බව ඔහු තවදුරටත් කියා සිටියේය.
ජාත්යන්තර මූල්ය අරමුදලේ ආසියා පැසිෆික් දෙපාර්තමේන්තුවේ අධ්යක්ෂ ක්රිෂ්ණා ශ්රී නිවාසන් මහතාගේ ප්රධානත්වයෙන් යුත් එම කණ්ඩායම ඔක්තෝබර් 04 වැනිදා දක්වා ශ්රී ලංකාවේ රැඳී සිටින බව වාර්තා වේ.
ඔවුන් ජනාධිපති අනුර කුමාර දිසානායක මහතා සහ නව ආර්ථික කණ්ඩායම හමුවීමට නියමිත අතර, එහිදී මෙරට නව ආර්ථික වර්ධනයන් සහ ජාත්යන්තර මූල්ය අරමුදලේ සහායෙන් ක්රියාත්මක ශ්රී ලංකා ආර්ථික වැඩසටහන යටතේ වන ආර්ථික ප්රතිසංස්කරණ සම්බන්ධයෙන් සාකච්ඡා කිරීමට නියමිතය.
