මුදල් හා ජනමාධ්ය ඇමැති මංගල සමරවීර මහතා යටතේ තිබෙන ජනමාධ්ය විෂය ඉවත් කිරීමට අගමැති රනිල් වික්රමසිංහ මහතා සහ ජනාධිපති මෛත්රිපාල සිරිසේන මහතා තීරණය කර ඇතැයි රජයේ විශ්වාස කටයුතු ආරංචි මාර්ග පවසයි.
ජනාධිපතිවරයාගේ සමීපතයෙකු අප වෙත කියා සිටියේ එම අමාත්යංශය ආරක්ෂක රාජ්ය අමාත්ය රුවන් විජයවර්ධන මහතා පත් කිරීමට නියමිතව ඇති බවයි.
ඒ අනුව ආරක්ෂක රාජ්ය අමාත්ය රුවන් විජයවර්ධන මහතා ජනමාධ්ය අමාත්යධූරයේ හෙට(21) දිනයේදී ජනාධිපතිවරයා ඉදිරියේදී දිවුරුම් දීමට නියමිත බව එම ආරංචි මාර්ග පැවසී ය.
එම ඉල්ලීමත් සමඟ ජනාධිපතිවරයා රාජ්ය අමාත්ය රුවන් විජයවර්ධන මහතා ගෙන්වා සාකච්ඡා කර තිබේ. එහිදී ජනාධිපතිවරයා ජනමාධ්ය ඇමැති ධූරයේ බැරෑරුම්කම පෙන්වා දෙමින් රුවන් විජයවර්ධන ඇමැතිවරයාට සඳහන් ඇත්තේ “ඔයා ගුණයහපත් කෙනෙක්. ඒ නිසා ජනමාධ්ය අමාත්ය ධූරයේ කටයුතු කිරීම ලේසි නෑ. හොඳට කට තියෙන හයිය තියෙන කෙනෙක් ඕන.”
එම අවස්ථාවේදී රුවන් විජයවර්ධන ඇමැතිවරයා ප්රකාශ කර ඇත්තේ තමා ජනමාධ්ය ඇමැතිවරයා ලෙස කටයුතු කිරීමට කැමැති බවයි.
ආණ්ඩුවේ සංවර්ධන කටයුතු සම්බන්ධයෙන් රාජ්ය මාධ්ය හරහා නිසි ප්රචාරයක් නොලැබෙන බවට එජාපයේ පසුපෙළ මන්ත්රීවරුන්ගෙන් චෝදනා එල්ල වී ඇති අතර පසුගිය සතියේ පැවති ආණ්ඩු පක්ෂ මන්ත්රී කණ්ඩායම් රැස්වීමේදී ද මේ සම්බන්ධයෙන් දීර්ඝ වශයෙන් කතාබහට ලක්ව ඇත.
