ජාත්‍යන්තර පදක්කලාභීන් දෙදෙනෙකු වන නුවර එළිය ලබුකැලේ වතුයායේ පදිංචි රාජකුමාර් මහතා සහ නුවරඑළිය වැලිඔය වතුයායේ පදිංචි සම්මුගේශ්වරන් මහතා හට කඳුරට නව ගම්මාන යටිතල පහසුකම් හා ප්‍රජා සංවර්ධන අමාත්‍ය පලනි තිගාම්බරම් මහතා විසින් නිවාස 02 ක් ලබා දීමට අදාළව ලිපි ලබා දීම ඊයේ 06) ලබා දී ඇත්තේ කොල්ලුපිටිය පිහිටි අමාත්‍යාංශයේදීය.
මෙම නිවසක වටිනාකම ලක්ෂ 10 ක් වන අතර පර්චස් 07 ක භූමිභාගය සඳහා නිරවුල් ඔප්පුද ඔවුනට හිමිවනු ඇති.
නුවර එළිය ලබුකැලේ වතුයායේ පදිංචි රාජකුමාර් මහතා චීනයේ පැවති ආසියානු කායවර්ධන තරඟයේදී බර පන්තිය 60 යටතේ තරඟවැද ලෝකඩ පදක්කමක් හිමිකරගත් අතර නුවරඑළිය වැලිඔය වතුයායේ සම්මුගේශ්වරන් මහතා වියට්නාමයේ පැවති විවෘත තරඟාවලදියේදී මීටර් 10 000 තරඟයෙන් රන් පදක්කමද, මැරතන් තරඟයෙන් ලෝකඩ පදක්කමද හිමිකරගෙන තිබේ.
මෙම ක්‍රීඩකයින් දෙදනා ඇගයීමට පැවති අමාත්‍යාංශයේ පැවති උත්සවයේදී රාජකුමාර් මහතා හට Mr Malayagam සහ සම්මුගේශ්වරන් මහතා හට Horse of Malaiyagam යන නාමයන්ද පිරිනමන ලදි.
මෙම අවස්ථාවට නුවර එළිය දිස්ත්‍රික් පාර්ලිමේන්තු මන්ත්‍රී එම් තිලකරාජ් මහතා විසින් මෙම ක්‍රීඩකයින් දෙදනා හට මුදල් ප්‍රධානයක්ද සිදුකෙරිණි.
