ශ්වසන අපහසුතා අවස්ථා දෙකකට මුහුණ දීමෙන් පසු ෆ්‍රැන්සිස් පාප් වහන්සේගේ රෝගී තත්ත්වය ස්ථාවර වෙමින් පවතින බව වතිකානුව ප්‍රකාශ කර ඇත.
88 හැවිරිදි පාප් වහන්සේ පෙබරවාරි මැද භාගයේ සිට නියුමෝනියාව (පෙනහළු ආසාදන) සඳහා ප්‍රතිකාර ලබමින් රෝහල් ගතව සිටී.
කෙසේවෙතත්, උන්වහන්සේ කෘත්‍රීම ස්වසන ආධාරය ලබා ගනිමින් පසුවන බව සඳහන් වේ. පෙබරවාරි මස 14 වන දින, දින කිහිපයක් හුස්ම ගැනීමේ අපහසුතා අත්විඳීමෙන් පසු, පාප් වහන්සේ රෝහල් ගත කරන ලදී.
වතිකානුව පවසන්නේ, පාප් වහන්සේගේ සෞඛ්‍ය තත්ත්වය පිළිබඳව නිරන්තර අවධානයෙන් පසුවන අතර, උන්වහන්සේ සම්පූර්ණයෙන්ම අසාධ්‍ය තත්ත්වයෙන් මිදී නොමැති බවයි. මෙම තත්ත්වය තුළ, පාප් වහන්සේගේ සෞඛ්‍ය පිළිබඳව යාවත්කාලීන තොරතුරු ලබා දීමට වතිකානුව ප්‍රතිඥා දී ඇත.
පාප් වහන්සේගේ සෞඛ්‍ය තත්ත්වය ගැන ලොව පුරා කැතොලික සභාව සහ භක්තිකයින් ගැඹුරු අවධානයක් යොමු කර ඇති අතර, උන්වහන්සේගේ සුවය සඳහා ප්‍රාර්ථනා කරමින් සිටී.
