ශ්රී ලංකා වොලිබෝල් සම්මේලය සංවිධානය කරන මධ්යම ආසියානු වයස අවුරුදු 20න් පහළ යොවුන් වොලිබෝල් ශූරතාවලියේ ආරම්භක දිනයේ (06 දා) නේපාලය හමුවේ පැවැති තරගයෙන් වට 3-0ක දරුණු පරාජයක් ලැබීමට ශ්රී ලංකා ක්රීඩයන්ට සිදුවිය.
කොළඹ සුගතදාස ගෘහස්ථ ක්රීඩාංගණයේ දී පැවැත්වෙන මෙම තරගාවලියේ 2 වැනි තරගය ලෙසින් පැවැතියේ ශ්රී ලංකාව සහ නේපාලය අතර තරගයයි. එම තරගයෙන් තරග වට 3-0ක් ලෙසින් ජයග්රහණය කිරීමට සංචාරක නේපාල ක්රීඩකයෝ සමත් වූහ.
තරගය ආරම්භ කරමින් පැවැති පළමු වටයේ දී ලකුණු 25 – 14ක් ලෙසද, දෙවැනි වටය 25 – 23ක් ලෙස සහ තෙවැනි වටය 28 – 26ක් ලෙස ජය ගැනීමට නේපාල කණ්ඩායම සමත්විය.
මේ අතර තරගාවලිය ආරම්භ කරමින් කිරිකිස්තානය සහ උස්බකිස්තානය අතර පැවැති පළමු තරගයෙන් තරග වට 3-0ක ජයග්රහණයක් ලබා ගැනීමට උස්බකිස්තානය සමත් වූ අතර තරගය නිමා වූයේ 25 – 20ක්, 28 – 26ක් සහ 25 – 10ක් ලෙසනි.
තරගාවලියේ තෙවැනි තරගය ටර්කිමස්තානය සහ මාලදිවයින සමග පැවැති අතර එම තරගයෙන් 25 – 11ක්, 25 – 13ක් සහ 27 – 25ක් ලෙසින් 3 – 0ක ජයග්රහණයක් වාර්තා කිරීමට ටර්කිමස්තානය සමත් වූහ.
