ඉරාන වරායන් ඉලක්ක කරමින් ඇමෙරිකාව පනවා ඇති නාවික අවහිරතාව (Naval Blockade) “භයානක සහ වගකීම් විරහිත” ක්රියාවක් ලෙස චීන විදේශ අමාත්යවරයා මීට නොබෝ වේලාවකට පෙර දැඩි ලෙස විවේචනය කළේය. මෙම පියවර මගින් කලාපීය ආතතිය තවදුරටත් වර්ධනය වන බවත්, ලෝක වෙළඳාමට සහ බලශක්ති ආරක්ෂාවට එයින් බරපතල තර්ජනයක් එල්ල වන බවත් චීනය අවධාරණය කරයි.
චීන විදේශ අමාත්යවරයා වැඩිදුරටත් සඳහන් කළේ පවතින අර්බුදයට ඇති එකම විසඳුම වහාම ක්රියාත්මක වන සටන් විරාමයක් (Ceasefire) පමණක් බවයි. හමුදාමය බලපෑම් සහ සම්බාධක මගින් ගැටලුව තවත් සංකීර්ණ වනවා මිස සාමකාමී විසඳුමක් කරා යා නොහැකි බව චීනයේ ස්ථාවරය වී තිබේ. ඉරානය සමඟ සමීප ආර්ථික සබඳතා පවත්වන චීනය, ඇමෙරිකාවේ මෙම ඒකපාර්ශ්වික ක්රියාමාර්ගය ජාත්යන්තර නීතිය උල්ලංඝනය කිරීමක් ලෙස ද හඳුන්වා දී ඇත.
වොෂින්ටනයේදී ඊශ්රායලය සහ ලෙබනනය අතර සාකච්ඡා පැවැත්වෙන අතරතුරම චීනය මෙලෙස ප්රකාශයක් නිකුත් කිරීම විශේෂත්වයකි. ඉරාන වරායන් අවහිර කිරීම හේතුවෙන් ගෝලීය තෙල් මිල ඉහළ යාමේ අවදානමක් පවතින පසුබිමක, රුසියාව සහ චීනය වැනි රටවල් ඇමෙරිකාවේ “එපික් ෆියුරි” (Operation Epic Fury) මෙහෙයුමට එරෙහිව සිය රාජ්යතාන්ත්රික පීඩනය දැඩි කරමින් සිටී.
තොරතුරු උපුටා ගැනීම: mario nawfal (x) ඇසුරින්
