උඩරට නර්තන කලාවේ වෙස් ඇදුම් කට්ටලය ජාතික උරුමයක් බවට පත් කිරිමටන් ඉන් නොනැවති එය ලෝක උරුමයක් බවට පත් කිරිමට පියවර ගන්නා බව බුද්ධශාසන සංස්කෘතික හා ආගමික කටයුතු අමාත්ය විදුර වික්රමනායක මහතා පවසයි. අමාත්යවරයා මේ බව පැවසුවේ පසුගිය 10 වනදා මාතලේ බෞද්ධ මන්දිරයේ පැවති උරුමය උඩරට නර්තන පුහුණූ පර්යේෂණ කේන්ද්රයේ සාමාරම්භක උත්සවයකට එක්වෙමිනි.
මෙම අවස්ථාවට සියම් මහා නිකායේ අස්ගිරි පාර්ශ්වයේ මාතලේ දිසාවේ ප්රධාන සංඝනායක කොස්ගොල්ලේ සිලරතන හිමි,මල්වතු පාර්ශ්වයේ මාතලේ දිසාවේ ප්රධාන සංඝනායක මහලකොටුවේ විමලධම්ම හිමි,සහකාර අධ්යෘපන අධ්යක්ෂ මාඋස්සාවේ අග්ගධම්ම හිමි,ක්රිඩා හා යෞවන කටයුතු රාජ්ය අමාත්ය රෝහණ දිසානායක,මාතලේ දිස්ත්රික් සම්බන්ධීකරණ කමිටු සභාපති නාලක බණ්ඩාර කොට්ටේගොඩ,හිටපු අමාත්ය නන්දිමිත්ර ඒකනායක.ශ්රි පුණ්යවර්ධන සමිතියේ සභාපති ඉසුරු ජයවර්ධන යන මහත්වරුන් ඇතුලු උරුමය උඩරට නර්තන පුහුණූ පර්යේෂණ කේන්ද්රයේ අධ්යක්ෂ නිශාන්ත රම්පිටිය යන මහත්වරුන් ඇතුලු කලාකරුවන් විශාල පිරිසක් එක්වි සිටියහ.
මාතලේ මහේෂ් කිර්තිරත්න
