ඉන්දියාවේ ගුජරාට් ප්රාන්තයෙන් මෙරටට වැඩම කරවන සර්වඥ ධාතූන් වහන්සේලා ලබන 04 වැනිදා සිට 11 වැනිදා දක්වා කොළඹ හුණුපිටිය ගංගාරාම විහාරස්ථානයේදී පැය 24 පුරාම ප්රදර්ශනය කිරීමට තීරණය කර තිබේ. අග්රාමාත්ය ආචාර්ය හරිනි අමරසූරියගේ ප්රධානත්වයෙන් කොළඹ දිස්ත්රික් ලේකම් කාර්යාලයේදී පැවැති විශේෂ සාකච්ඡාවකදී මෙම තීරණය ගෙන ඇත. ඉන්දීය අග්රාමාත්ය නරේන්ද්ර මෝදි මහතාගේ උපන් ගම වන ගුජරාට් ප්රදේශයෙන් සොයාගත් මෙම සර්වඥ ධාතූන් වහන්සේලා ඉන්දියාවෙන් පිටතට වැඩම කරවනු ලබන ප්රථම අවස්ථාව මෙය වන අතර, එය ජනාධිපති අනුර කුමාර දිසානායක මහතා සහ ඉන්දීය අග්රාමාත්යවරයා අතර පැවැති සාකච්ඡාවක ප්රතිඵලයකි.
බැතිමතුන්ගේ පහසුව වෙනුවෙන් ගැබිණි මව්වරුන්, ආබාධිත ප්රජාව සහ විදේශීය සංචාරකයන් සඳහා විශේෂ ප්රමුඛතා පෝලිම් ක්රමයක් ක්රියාත්මක කෙරෙන අතර දුම්රිය, ලංගම සහ පෞද්ගලික බස් රථ එක්ව විශේෂ ප්රවාහන සැලැස්මක් ද ක්රියාත්මක කිරීමට නියමිතය. ආරක්ෂාව සහ රථවාහන පාලනය සඳහා පොලිසිය සහ ත්රිවිධ හමුදාව යොදවන බවත්, පෝලිම්වල රැඳී සිටින ජනතාව වෙනුවෙන් ව්යාපාරික ප්රජාවගේ දායකත්වයෙන් දන්සැල් සංවිධානය කරන බවත් මෙහිදී අනාවරණය විය. ගංගාරාම විහාරාධිපති ආචාර්ය කිරින්දේ අස්සජි නාහිමියන් ඇතුළු මහා සංඝරත්නය සහ මැති ඇමතිවරුන් රැසක් මෙම සම්බන්ධීකරණ කමිටු රැස්වීමට සහභාගී වී සිටියහ.
