ඇමරිකානු ජනාධිපති ඩොනල්ඩ් ට්රම්ප් විසින් යුද්ධයෙන් පසු ගාසා තීරය පාලනය කිරීම සඳහා පිහිටුවන ලද “BOARD OF PEACE” (සාම මණ්ඩලය) නමැති ව්යුහය, සැබවින්ම බ්රිතාන්යයේ හිටපු අගමැති ටෝනි බ්ලෙයාර් (Tony Blair) විසින්ම සකස් කරන ලද සැලසුමක (Blueprint) ප්රතිඵලයක් බවත්, මේ වන විට ඔහු ඉතා රහසිගතව එහි ප්රධාන පාලන බලය තමන් සතු කරගනිමින් සිටින බවත් ජාත්යන්තර දේශපාලන විශ්ලේෂණ පෙන්වා දෙයි.
මුලදී මෙම සැලසුම ඔහුට අවශ්ය පරිදි සිදු නොවීමට ඉඩ තිබුණි. 2003 වසරේ ඉරාක යුද්ධය සඳහා ටෝනි බ්ලෙයාර් දැක්වූ සක්රීය දායකත්වය හේතුවෙන්, අරාබි රටවල් ඔහුව මෙම සාම මණ්ඩලයේ ඉහළම තනතුරක් සඳහා පත් කිරීමට දැඩි අකමැත්තක් පළ කළේය. මේ නිසා එහි ප්රධාන නියෝජිත (High Representative for Gaza) තනතුර බල්ගේරියානු රාජ්ය තාන්ත්රිකයෙකු වන නික්ොලායි ම්ලැඩෙනොව් (Nickolay Mladenov) වෙත පැවරුණි.
කෙසේ වෙතත්, බ්ලෙයාර් වෙනත් උපක්රමශීලී මාවතක් තෝරාගෙන ඇත. මේ වන විට ඔහු ගාසා තීරය වෙත ලැබෙන මානුෂීය ආධාර මෙහෙයවීම සහ බටහිර ඉවුරේ (West Bank) පාලනය ගෙන යන පලස්තීන අධිකාරියට (Palestinian Authority) බලපෑම් කරමින්, අනාගතයේදී ගාසා තීරයේ පාලනය භාරගත හැකි මට්ටමට ඔවුන්ගේ පරිපාලනය ප්රතිසංස්කරණය කිරීමට කටයුතු කරමින් සිටී.
වඩාත්ම කැපී පෙනෙන කරුණ නම්, හමාස් (Hamas) සංවිධානය වෙනුවට ගාසා තීරයේ සිවිල් පාලනය භාර ගැනීමට නියමිත පලස්තීන තාක්ෂණික නිලධාරීන් (Technocrats) සඳහා පුහුණුව ලබා දෙන්නේ ද ටෝනි බ්ලෙයාර්ගේ පෞද්ගලික චින්තන පර්ෂදයක් (Think tank) මඟින් වීමයි. දැනට මාස කිහිපයක සිට සමස්ත සාම සැලැස්ම කයිරෝ නුවරදී අඩාල වී පවතින පසුබිමක, බ්ලෙයාර් එම කමිටුව අමතමින් ප්රකාශ කර ඇත්තේ, “අපට ඔබ සැම ජයග්රහණය කරනු දැකීමට අවශ්යයි, මන්ද මෙය සමස්ත ලෝකය ඉදිරියේ අපගේ විශ්වාසනීයත්වය පිළිබඳ පරීක්ෂණයක්” බවයි.
නිල වශයෙන් ප්රධාන දොරටුවෙන් ඇතුළු වීමට නොහැකි වූ, එහෙත් අද වන විට ගාසා තීරයේ සැබෑ පාලන යතුරු (Keys) බහුතරයක් සියතට ගෙන සිටින ටෝනි බ්ලෙයාර්ගේ මෙම භූමිකාව මේ වන විට ගෝලීය දේශපාලන කරළියේ දැඩි කතාබහට ලක්ව තිබේ.
තොරතුරු උපුටා ගැනීම: Mario nawfal(X) ඇසුරින්
