ජනාධිපතිවරයාට මේ වන විට පරාජය භාර ගැනීමට සිදුවන බවත් එය නිහතමානිව බාර ගන්නා ලෙස ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත් මහතා පවසයි. ඒ මහතා මේ බව පැවසුවේ පාර්ලිමේන්තුවේ අදහස් දක්වමින් කියා සිටියේ මේ වන විට පාර්ලිමේන්තුවේ බහුතර ඇති පිරිසට බලය ලබා දිය යුතු බවයි.

එය නිහතමානි ආකාරයෙන් කල යුතු බවයි ඔහු කියා සිටියේය. ජනාධිපතිවරයා පාදඩ ආකාරයේ කටයුතු කිරීම නතර කළ යුතු බව හෙතෙම පැවසිය. තවද පවතින තත්ත්වය මත ජනාධිපතිවරයාට දෝශාභියෝගය පමණක් නොව ප්‍රජා අයිතිය පවා අහිමිවන බව විජිත හේරත් මන්ත්‍රීවරයා කියා සිටියේය.

කෙසේ වෙතත් එදා රනිල් වික්‍රමසිංහ අගමැතිවරයාට එරෙහි විශ්වාසභංග යෝජනාව පවා ඉදිරිපත් කිරීම පිටුපස සිටින්නේ ජනාධිපතිවරයා බව ඔහු අනාවරණ කළේය.

මෙවර මහින්ද රාජපක්ෂට ඉදිරිපත් කළ විශ්වාසභංග යෝජනාවෙහි ජනාධිපතිවරයාට ඉදිරිපත්ව ඇති යෝජනාව ඉවත් කර පාර්ලිමේන්තුවට ඉදිරිපත් කරන ලෙස දන්වා සිටියේද මහින්දට මොනවා වුණත් කමක් නෑ තමන්ට සිදුවන හානිය නැති කර ගත යුතු හැඟවීමට බව හේරත් මන්ත්‍රීවරයා කියා සිටියේය.